02.07.2026 | 17:15
Ղրղզստանը հարևան երկրներից վառելիք է խնդրում․ երկիրը բենզինի 90%-ը ստանում է Ռուսաստանից
Լիբանանը չեղարկել է Իրանի դեսպանի հավատարմագրումը և հրահանգել նրան՝ լքել երկիրը
Քաղաքականություն
24.03.2026 | 17:41
Լիբանանը չեղարկել է Իրանի դեսպան Մոհամմադ Ռեզա Շեյբանիի հավատարմագրումը և հրահանգել նրան՝ լքել երկիրը։ Արտգործնախարարությունը հայտարարել է, որ Թեհրանի ներկայացուցիչը պատերազմից տուժած երկիրը պետք է լքի մինչև կիրակի։ Իրանցի դիվանագետն անցանկալի անձ է հայտարարվել։
ԱԳՆ խոսնակ Դենիզ Ռահմեն Associated Press-ին ասել է, որ Իրանի դեսպանատունը դեռևս կունենա գործերի ժամանակավոր հավատարմատար՝ դիվանագիտական առաքելությունը ղեկավարելու համար։
Լիբանանի կառավարությունը նաև կանչել է Իրանում իր դեսպանին խորհրդակցությունների համար՝ «Թեհրանի կողմից երկու երկրների միջև դիվանագիտական նորմերի և հաստատված գործելակերպի խախտման» պատճառով, հայտնել է նախարարությունը։
Մինչ այդ, Իսրայելը գիշերն առնվազն յոթ անգամ ռմբակոծել է Բեյրութի հարավային արվարձանները՝ երկօրյա դադարից հետո վերսկսելով Լիբանանի մայրաքաղաքի վրա հարձակումները։ Իսրայելցի զինվորականները հայտարարել են, որ թիրախը «Հըզբոլլահ»-ի կենտրոնակայանն է։
Պայթյունները շարունակվել են նաև Լիբանանի այլ շրջաններում, այդ թվում՝ հարավում, Սիդոն քաղաքում և Բեքաա հովտում։ Իսրայելը շարունակում է իր ցամաքային ներխուժումը հարավային Լիբանան։
Իսրայելի պաշտպանության նախարար Իսրայել Կացը հայտարարել է, որ զինվորականները ձգտում են ստեղծել նոր «անվտանգության գոտի» Լիտանի գետի հարավում։ Նա ասել է, որ հարյուր հազարավոր հարավային լիբանանցիներ չեն կարողանա վերադառնալ տուն, մինչև «[Իսրայելի] հյուսիսի բնակիչների անվտանգությունը չապահովվի»։
Թարգմանությունը՝ Էմմա Չոբանյանի
