23.03.2026 | 23:28
«Դեմոկրատները սա պատերազմ են անվանում, մենք դա կոչում ենք ռազմական գործողություն»․ Թրամփը՝ Իրանի հետ հակամարտության մասին
ՀԹՖ նախագահը Գդանսկում մասնակցել է Tennis Europe-ի տարեկան ընդհանուր ժողովին
23.03.2026 | 17:53
Լեհաստանի Գդանսկ քաղաքում կայացել է Tennis Europe-ի տարեկան ընդհանուր ժողովը, որի ընթացքում Հայաստանի թենիսի ֆեդերացիայի նախագահ Վարդան Զաքարյանը համագործակցության հուշագիր է ստորագրել Եվրոպայի թենիսի ֆեդերացիայի նախագահ Հենրիկ Թորսյե Պեդերսոնի հետ։ Հուշագրի համաձայն՝ եվրոպական զարգացող երկրների մինչև 14 տարեկան լավագույն մարզիկները Ծաղկաձորի գլխավոր մարզահամալիրում հայ թենիսիստների հետ պարբերաբար անցկացնելու են ուսումնամարզական հավաք, որից հետո մասնակցելու են Ծաղկաձորում կայանալիք միջազգային մրցաշարին, հաղորդում է ՀԹՖ մամուլի ծառայությունը:
Ժողովի ընթացքում Հայաստանի թենիսի ֆեդերացիայի նախագահն աշխատանքային քննարկումներ է ունեցել միջազգային կազմակերպության մի շարք ներկայացուցիչների հետ՝ այդ թվում թենիսի միջազգային ֆեդերացիայի նախագահ Դեյվիդ Հագերտի, Тennis Europe-ի գործադիր տնօրեն Մագնուս Գրոնվոլդի ու մի շարք երկրների ազգային ֆեդերացիաների նախագահների հետ։
Հայաստանի թենիսի ֆեդերացիայի նախագահ Վարդան Զաքարյանի գլխավորած պատվիրակության կազմում են եղել նաև ֆեդերացիայի գլխավոր քարտուղար Գևորգ Կարամանուկյանն ու տղամարդկանց Հայաստանի հավաքականի գլխավոր մարզիչ Վահե Ավետիսյանը։
