Ռուսաստանի հավաքականի նախկին հարձակվող Անդրեյ Արշավինը կարծիք է հայտնել Հայաստանի ազգային հավաքականի ավագ, ռուսական «Կրասնոդարի» կիսապաշտպան Էդուարդ Սպերցյանի մասին։
«Ի՞նչ կարելի է ասել նրա մասին։ Երկար տարիներ Սպերցյանը կայուն ցուցադրում է իր կարգը։ Ավելացնելու այլ բան չկա։ Նա շատ ուժեղ խաղացող է, որը հավանաբար արդեն գերազանցել է այն լիգայի մակարդակը, որտեղ հանդես է գալիս»,- Լոնդոնի «Արսենալի» նախկին ֆուտբոլիստի խոսքը մեջբերում է «Матч ТВ»-ն։
Ռուսաստանի ընթացիկ առաջնությունում Էդուարդ Սպերցյանը մասնակցել է 22 հանդիպման, դարձել 11 գոլի ու 14 գոլային փոխանցման հեղինակ։ Transfermarkt-ը 25 միլիոն եվրո է գնահատում 25-ամյա կիսապաշտպանի տրանսֆերային արժեքը։
