29.09.2026 | 23:23
«Դեֆանս Հաուզինգ»-ը պարզաբանել է թաղամասում երեք մարդու մահվան դեպքի հանգամանքները
Մենք բոյկոտում ենք ԱՄՆ-ը, բայց ոչ աշխարհի առաջնությունը․ Իրանի ֆուտբոլի ֆեդերացիայի նախագահ
19.03.2026 | 19:25
Իրանի ֆուտբոլի ֆեդերացիայի նախագահ Մեհդի Թաջը հայտարարել է, որ Իրանի հավաքականը մտադիր չէ հրաժարվել ԱՄՆ-ում, Կանադայում ու Մեքսիկայում կայանալիք աշխարհի առաջնության մասնակցությունից։
«Մեր ազգային հավաքականը մարզումային հավաքի կմասնակցի Թուրքիայում ու կանցկացնի երկու ընկերական հանդիպում։ Մենք բոյկոտում ենք ԱՄՆ-ը, բայց ոչ աշխարհի առաջնությունը»,- Մեհդի Թաջի խոսքը մեջբերում է AI Jazeera-ն։
Ավելի վաղ Իրանի սպորտի նախարար Ահմադ Դոնյամալին հայտարարել էր, որ իր երկրի հավաքականը չի կարող մասնակցել ԱԱ-2026-ին ԱՄՆ-ի ու Իսրայելի կողմից հարձակման պատճառով։ Օրեր առաջ էլ հայտնի էր դարձել, որ իրանցիները Ֆուտբոլի միջազգային ֆեդերացիայի (ՖԻՖԱ) հետ բանակցում են աշխարհի առաջնությունում Իրանի հավաքականի բոլոր հանդիպումները Մեքսիկա տեղափոխելու առնչությամբ:
Հիշեցնենք, որ հունիսի 11-ից հուլիսի 19-ին կայանալիք 2026թ. աշխարհի առաջնությունում Իրանի հավաքականն ընդգրկված է G խմբում, որտեղ մրցակիցներն են Բելգիան, Եգիպտոսը և Նոր Զելանդիան։ Իրանցիների բոլոր խաղերը նախատեսված են ԱՄՆ-ում։
