UFC-ի ամերիկացի մարտիկ Քոլբի Քովինգտոնը պատմել է, թե ինչու կիսամիջին քաշային կարգում չեմպիոն Իսլամ Մախաչևի ու թեթև քաշային կարգում չեմպիոն Իլյա Տոպուրիայի մենամարտը չի կայանալու Սպիտակ տան մրցաշարում։
«Ես լսել եմ, որ Մախաչև – Տոպուրիա մենամարտը պետք է կայանար Սպիտակ տանը։ Որքանով տեղյակ եմ, Իսլամը շատ մեծ գումար է պահանջել, այդ պատճառով գործարքը խափանվել է վերջին պահին»,- Քովինգտոնի խոսքը մեջբերում է N3onOnYT-ը։
Հիշեցնենք, որ Իսլամ Մախաչևը չի մասնակցելու հունիսի 15-ին Սպիտակ տանը կայանալիք մրցաշարին, իսկ Իլյա Տոպուրիան մենամարտելու է ամերիկացի Ջասթին Գեյջիի հետ։
