Ժոան Լապորտան «Բարսելոնայի» նախագահի պաշտոնում վերընտրվելուց հետո հայտարարել է, որ Իսպանիայի չեմպիոնը շուտով նոր պայմանագիր կկնքի թիմի գլխավոր մարզիչ Հանս-Դիտեր Ֆլիկի հետ։
«Մենք անպայման շուտով կհայտարարենք Հանսի Ֆլիկի հետ պայմանագրի երկարաձգման մասին։ Մենք միշտ նախընտրում ենք, որ նա ունենա առնվազն մեկ տարվա պայմանագիր։ Դեկուն պատասխանատու կլինի բանակցությունների համար, իսկ Ռաֆա Յուստեն կստորագրի այն։ Ես կցանկանայի աշխատել Հանս Ֆլիկի հետ իմ՝ ակումբի նախագահ լինելու ամբողջ ընթացքում։ Դա կվկայի կայունության մասին և ցույց տա, որ մենք հաղթում ենք։ Նա երիտասարդ և էներգիայով լի մարդ է, ով երջանիկ է այս ակումբում և քաղաքում»,- Ժոան Լապորտայի խոսքը մեջբերում է Goal.com-ը։
Ավելի վաղ գերմանացի մասնագետը հայտարարել էր, որ նոր պայմանագիր չի կնքի մինչև «Բարսելոնայի» նախագահական ընտրությունների ավարտը։ Հանսի-Դիտեր Ֆլիկը 2024 թվականից է գլխավորում կատալոնական ակումբը, որի հետ դարձել է Իսպանիայի չեմպիոն, գավաթակիր ու կրկնակի սուպերգավաթակիր։
