13.05.2026 | 21:10
Անցում՝ նախագահականի, համաներում, երդվյալ ատենակալներ. ինչ են խոստանում քաղաքական ուժերը․ ՏԵՍԱՆՅՈՒԹ
Մարմնամարզության Հայաստանի հավաքականը վերադառնում է Երևան
17.03.2026 | 15:44
Սպորտային մարմնամարզության տղամարդկանց Հայաստանի հավաքականի անդամները վերադառնում են Երևան, հաղորդում է ՀՄՖ մամուլի ծառայությունը։
«Ցանկանում ենք շնորհակալություն հայտնել ՀՀ արտաքին գործերի նախարարությանը և Կատարի Պետությունում ՀՀ արտակարգ և լիազոր դեսպան Տիգրան Գևորգյանին վերադարձի գործընթացում ցուցաբերած հսկայական աջակցության համար։
Շնորհակալություն ենք հայտնում նաև Կատարի մարմնամարզության ֆեդերացիայի գործընկերներին, Կատարում գտնվելու ողջ ընթացքում թիմին ցուցաբերած աջակցության համար»,- նշված է ՀՄՖ-ի հաղորդագրության մեջ։
Հիշեցնենք, որ Մերձավոր Արևելքում շարունակվող ռազմական գործողությունների հետևանքով Հայաստանի հավաքականը չէր կարողանում վերադառնալ Կատարում անցկացվող ուսումնամարզական հավաքից, այդ պատճառով բաց թողեց Թուրքիայի Անթալիա քաղաքում անցկացված Աշխարհի գավաթի խաղարկության երրորդ փուլը։ Հայաստանի հավաքականի անդամները Կատարից ուղևորվել էին Սաուդյան Արաբիա, որտեղից Ստամբուլ-Թբիլիսի երթուղիով վերադարձել են հայրենիք։
