09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
2017-ին ՀՀ երկու օդանավակայանում ուղևորահոսքի զգալի աճ է արձանագրվել
Տնտեսություն
03.05.2017 | 13:18
Հայաստանի երկու օդանավակայանում 2017 թ. առաջին 4 ամսում ուղևորահոսքի է աճ է արձանագրվել. այս մասին լրագրողների հետ հանդիպմանն ասաց ՀՀ ԿԱ քաղաքացիական ավիացիայի գլխավոր վարչության պետ Սերգեյ Ավետիսյանը։
«2016 թ. հունվար-ապրիլ ամիսների համեմատ 2017թ. նույն ժամանակահատվածում Հայաստանի երկու օդանավակայանում՝ «Զվարթնոց» և «Շիրակ», ուղևորահոսքը կազմել է 668 հազար 589 մարդ կամ 28.3% աճ»,- ներկայացրեց նա:
2017 թ. առաջին 4 ամսում «Զվարթնոց» օդանավակայանում ուղևորահոսքը կազմել է 649 հազար 400 մարդ կամ 25.7 % աճ, «Շիրակ» օդանավակայանում՝ 19 հազար 189 մարդ կամ 334%:
Ապա հավելեց, որ ապրիլ ամսին ևս ուղևորահոսքի զգալի աճ է արձանագրվել նախորդ տարվա ապրիլի համեմատ: 2017 թ. Հայաստանի երկու օդանավակայանում ուղևորահոսքը կազմել է 188 հազար 391 մարդ կամ 42% աճ: Այս տարվա ապրիլին «Զվարթնոց» օդանավակայանում ուղևորահոսքը կազմել է 183 հազար 108 մարդ կամ 38.9% աճ, «Շիրակ» օդանավակայանում՝ 5283 մարդ կամ 745.3% աճ:
