Ֆուտբոլի Եվրոպայի չեմպիոն Իսպանիայի հավաքականը Սերբիայի թիմի հետ ընկերական հանդիպում կանցկացնի չեղարկված Ֆինալիսիմայի փոխարեն, հաղորդում է երկրի ֆուտբոլի ֆեդերացիայի մամուլի ծառայությունը։
Խաղը կկայանա մարտի 27-ին Վիլյառեալի «Էստադիո դե լա Սերամիկա» մարզադաշտում։
Այդ օրն իսպանացիները Դոհայում պետք է Ֆինալիսիմայի հանդիպումն անցկացնեին Ամերիկայի գավաթակիր Արգենտինայի հավաքականի հետ, սակայն խաղը չեղարկվել էր Մերձավոր Արևելքում շարունակվող ռազմական գործողությունների հետևանքով։
Չեղարկվել է նաև Իսպանիայի և Եգիպտոսի հավաքականների ընկերական հանդիպումը, որը պետք է կայանար մարտի 30-ին Կատարում։
