17.03.2026 | 15:09
Սթափության զննություն չանցնելու համար փորձել էր կաշառել պարեկներին. վարորդը ձերբակալվել է
Հայաստանի Պրեմիեր լիգա․ Առաջատարի հաղթանակը, լավագույն ռմբարկուի դուբլն ու տուրի տեսաամփոփումը
17.03.2026 | 11:34
Ֆուտբոլի Հայաստանի Պրեմիեր լիգայում կայացել են 18-րդ տուրի հանդիպումները։
Տուրի կենտրոնական խաղում «Փյունիկը» նվազագույն հաշվով հաղթել է «Ալաշկերտին» ու բարձրացել երկրորդ տեղ։ Տուրը հաղթական է ստացվել նաև առաջատար «Արարատ-Արմենիայի», գործող չեմպիոն «Նոայի», «Ուրարտուի» և «Գանձասարի» համար։
«Ուրարտուի» բրազիլացի հարձակվող Բրունո Միշելը դուբլի հեղինակ է դարձել ԲԿՄԱ-ի դեմ խաղում ու 15 գոլով վստահորեն գլխավորում է ռմբարկուների ցուցակը։
«Արարատ-Արմենիան» միավորների քանակը հասցրել է 37-ի, «Փյունիկն» ունի 35, իսկ «Ուրարտուն»՝ 33 միավոր։ «Ալաշկերտը» հավաքել է 32 միավոր, իսկ «Նոան» 29 միավորով 5-րդն է։
Հայաստանի առաջնություն, 18-րդ տուր
«Փյունիկ» – «Ալաշկերտ»` 1:0
Մոմո Յանսանե, 20
«Արարատ–Արմենիա» – «Վան»՝ 3։0
Զիդան Բանջաքի, 15, Ալիունե Նդուր 26 (11մ), Արթուր Սերոբյան, 56
«Ուրարտու» – ԲԿՄԱ՝ 4։1
Բռունո Միշել, 10, 51, Նիկոլաս Կալուկյան, 80, Ալեքսանդր Լյովե, 90+1 – Դավիթ Հարությունյան, 90
«Շիրակ» – «Նոա»՝ 0։2
Վալենտին Կոստակե, 34, Ներմին Զոլոտիչ, 51
«Արարատ» – «Գանձասար»՝ 0։2
Բերտրան Մանի, 49, Լուկա Անդրիոլի Ռոդրիգես, 56
