28.09.2026 | 21:00
Փաշինյանի հեռացման պրոցեսը փողոցային պայքարով պիտի գեներացվի, այլընտրանք չկա․ Նինա Կարապետյանց. ՏԵՍԱՆՅՈՒԹ
Հանրապետականը կլինի խորհրդարանում. Էդուարդ Շարմազանով. ՏԵՍԱՆՅՈՒԹ
Քաղաքականություն
15.11.2018 | 13:37
Մենք՝ որպես հանրապետականներ, մասնակցելու ենք ընտրություններին՝ հիմքում ունենալով թիմ մեկ խնդիրը՝ Արցախի հարցում որևէ միակողմանի զիջման չգնալը:
Այսօր՝ նոյեմբերի 15-ին, ՀՀ Ազգային ժողովում լրագրողների հետ զրույցում այս մասին հայտարարեց ՀՀԿ խմբակցության պատգամավոր, ԱԺ փոխխոսնակ Էդուարդ Շարմազանովը:
«Մենք նպատակ չունենք նշելու, որ այսօրվա իշխանությունն ազգադավ է կամ ուզում է գնալ զիջումների: Մենք տենց դիշովի պոպուլիզմով չենք զբաղվում: Մենք պարզապես ասում ենք, որ կա լուրջ մարտահրավեր, և մենք, որպես պատասխանատու քաղաքական ուժ, անելու ենք ամեն ինչ՝ ներդնելով մեր փորձը, մեր կապերը, մեր գիտելիքները, որպեսզի թույլ չտանք արցախյան հիմնահարցում որևէ անցանկալի զարգացում»,- հավելեց նա:
Ինչ վերաբերում է ՀՀԿ-ի համապետական ցուցակին, որում Էդուարդ Շարմազանովը 6-րդ հորիզոնականում է. կարծում է՝ քաղաքական գործիչների արժեքը միայն ցուցակներում տեղ զբաղեցնելը չէ: «Ավելին, ես նախկինում էլ նշել եմ, որ իմ պայքարը մանդատի կամ ցուցակում լավ տեղ ունենալը չէ, չնայած չեմ կարծում, որ 6-րդ համարը վատ տեղ է: Ես գաղափարի մարդ եմ, սկզբունքի մարդ եմ»,- ընդգծեց Շարմազանովը:
Ժողովուրդը, նրա համոզմամբ, ձայն կտա, և Հանրապետականը կլինի խորհրդարանում. «Ակնկալում ենք «Իմ Քայլ»-ից հետո լինել երկրորդ ուժը»:
Մանրամասները՝ տեսանյութում:
