27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Արման Ծառուկյանը կմենամարտի Քոնոր Մաքգրեգորի ընկերոջ հետ
14.03.2026 | 13:07
UFC-ի թեթև քաշային կարգի դասակարգման երկրորդ համար Արման Ծառուկյանը Hype FC լիգայում հաջորդ մենամարտը կանցկացնի ամերիկացի Դիլոն Դենիսի հետ։ Այդ մասին հայտարարել է Hype-ի ղեկավար Արմանդ Մարտիրոսյանը, հաղորդում է Red Corner MMA-ը։
Ծառուկյանը և Դենիսն ապրիլի 8-ին բրազիլական Սան Պաուլուում կայանալիք մրցաշարում կմրցեն գրեփլինգի կանոններով։ Հաղթող կլինի միայն այն դեպքում, եթե մարտիկներից մեկը հանձնվի։
Hype FC լիգայի նախորդ երկու մենամարտերում 29-ամյա Արման Ծառուկյանը հաղթել է Մեծ Բրիտանիան ներկայացնող դաղստանցի Մուհամադ Մոկաևին և ոչ-ոքի գրանցել UFC-ի մարտիկ Շառա Բուլետի հետ։
32-ամյա Դիլոն Դենիսը խառը մենամարտերի աշխարհում հայտնի է որպես UFC-ի երկու քաշային կարգերում նախկին չեմպիոն Քոնոր Մաքգրեգորի ընկեր։
Արման Ծառուկյանը և Դիլոն Դենիսը մասնակցելու են նաև մարտի 28-ին ԱՄՆ-ի Ֆլորիդա նահանգում կայանալիք RAF 07 ազատ ոճի ըմբշամարտի մրցաշարին։ Հայաստանի ներկայացուցիչը ռևանշ մենամարտ է անցկացնելու ամերիկացի ըմբիշ ու բլոգեր Ջորջիո Պուլասի հետ, իսկ Դենիսը մրցելու է ամերիկացի Քոլբի Քովինգթոնի հետ։
