09.08.2026 | 15:05
ՀՀ ԶՈՒ ՀՕՊ զորքերը պարապմունքներ են անցկացրել «Կարիճ» և «Լուսան» համալիրներով
Կառավարությունը մերժեց Գևորգ Գորգիսյանի օրենսդրական նախաձեռնությունը․ ՏԵՍԱՆՅՈՒԹ
Քաղաքականություն
15.11.2018 | 12:34
Կառավարությունը նոյեմբերի 15-ի նիստում մերժեց ԱԺ «Ելք» խմբակցության պատգամավոր Գևորգ Գորգիսյանի ներկայացրած օրենսդրական նախաձեռնությունը, որը վերաբերում էր «Կուսակցությունների մասին» օրենքում փոփոխություններ և լրացումներ կատարելուն։
Ըստ առաջարկվող փոփոխության՝ նախատեսվում էր ավելացնել կուսակցությունների ֆինանսավորման համար ՀՀ պետական բյուջեով նախատեսվող միջոցների չափը:
Հարցի զեկուցող արդարադատության նախարարի պաշտոնակատար Արտակ Զեյնալյանը նշեց, որ նախագծին կից ներկայացված հիմնավորման մեջ բացակայում են համապատասխան վերլուծությունները և միջազգային փորձի ուսումնասիրությունը, ինչն էական նշանակություն և կարևորություն ունի ներկայացված առաջարկության հիմնավորվածությունը լիարժեք ձևով գնահատելու համար:
Ըստ Զեյնալյանի՝ նախագծի ընդունման դեպքում կառաջանա նաև պետական բյուջեից տարեկան շուրջ 700.0 մլն դրամի լրացուցիչ միջոցների հատկացման անհրաժեշտություն, ուստի ներկայացված օրենքի նախագծով նախատեսված փոփոխություն կատարելու անհրաժեշտությունը նպատակահարմար չէ։
Կառավարությունը բացասական եզրակացություն տվեց Գորգիսյանի ներկայացրած օրենսդրական նախաձեռնությանը։
