08.03.2026 | 16:14
ԱՄԷ-ն առաջին անգամ հարվածել է Իրանի տարածքին․ իսրայելական ԶԼՄ-ներ
Ձեր օրենսդրական նախաձեռնությունը գրագետ չէ, պարո՛ն Ֆարմանյան․ Նաիրա Զոհրաբյան․ ՏԵՍԱՆՅՈՒԹ
Քաղաքականություն
15.11.2018 | 10:57
Ազգային ժողովի այսօրվա օրակարգում քննարկվում էր ԱԺ պատգամավոր Սամվել Ֆարմանյանի ներկայացրած «Վիճակախաղերի մասին» ՀՀ օրենքը ուժը կորցրած ճանաչելու մասին և «Ինտերնետ շահումով խաղերի և խաղատների մասին» օրենքում փոփոխություններ և լրացումներ կատարելու մասին նախագծերը։
ԱԺ «Ծառուկյան» խմբակցության պատգամավոր Նաիրա Զոհրաբյանը նշեց, որ իրենք ևս ներկայացրել են նույնաբովանդակ օրենսդրական նախաձեռնություն, որն առավել գրագետ է, քան Սամվել Ֆարմանյանի ներկայացրածը։
«Այն նախագիծը, որը ներկայացված է Ձեր կողմից, չի պատկերացնում այն քաոսը, որն առաջանալու է այն ընդունելուց հետո։ Դա ուղղակիորեն բերելու է բեսպրեդելի այն ոլորտում, որը Դուք արդարացիորեն փորձում եք կարգավորել։ Ես հասկանում եմ, որ հանրային շահի անվան տակ դա անելը շատ էմոցոնիալ է, բայց այն, ինչ Դուք առաջարկում եք ոչ թե կարգավորելու, այլ ավելի բարձիթողի վիճակ է բերելու ոլորտում։ Մեր առաջարկը պարզ է․ պետք չէ ինքնալուծարված խորհրդարանի վերջին շնչում բերել մի նախագիծ, որն, իմ գնահատմամբ, գրագետ չէ»,- ասաց Զոհրաբյանը՝ շեշտելով, որ իրենց քաղաքական թիմը չի քվեարկելու այս նախագծի օգտին։
Մանրամասները՝ տեսանյութում։
