24.04.2026 | 10:10
ԵԱ․ Պայքարը սկսում են ազատ ոճի ըմբիշները
ՀՀԿ-ն նախընտրական ցուցակը ներկայացրեց ԿԸՀ. ՏԵՍԱՆՅՈՒԹ
Քաղաքականություն
14.11.2018 | 18:33
ՀՀ Կենտրոնական ընտրական հանձնաժողով (ԿԸՀ) համապետական ցուցակը ներկայացրեց նաև ՀՀԿ-ն:
Լրագրողների հետ զրույցում ՀՀԿ խմբակցության պատգամավոր Կարինե Աճեմյանն ասաց՝ մարտական են տրամադրված:
«Մարտական ենք տրամադրված, որպեսզի հաղթենք, ունենանք տեղեր, կարողանանք պայքարել այն ամենի համար, ինչի մասին այս օրերին և առհասարակ խոսում ենք: Կարծում եմ՝ մեր քաղաքական գործիչները, որոնք արդեն հայտնի են, թրծված են, երկար ճանապարհ են անցել, մեր ծրագրերն ու գաղափարները կարող են խորհրդարանում իրականացնել»,- նշեց Կարինե Աճեմյանը:
Նա, միաժամանակ, վստահ է, որ քաղաքացին կլսի ՀՀԿ-ին. «Այսօր էլ գիտեմ շատ քաղաքացիների, ովքեր մեր համակիրներն են, սպասում են, որպեսզի մեր ծրագրերով հանդես գանք, և տրամադրված են մեզ ընտրելու»:
Կարինե Աճեմյանը նաև հույս հայտնեց, որ նորմալ քարոզարշավ կունենան: «Հուսով եմ, որ մենք կունենանք նորմալ քարոզարշավ, խաղի կանոնները չենք խախտի, իրար վրա ցեխ չենք շպրտի և, առհասարակ, հանդես կգանք գաղափարաքարոզչական շրջանակներում»,- հավելեց նա:
Մանրամասները՝ տեսանյութում:
