30.09.2026 | 16:04
Քաղաքացիների հանգստի համար հատկացված հողատարածքն օտարվել է. Կամո Արեյանը՝ մեղադրյալի աթոռին․ ՏԵՍԱՆՅՈՒԹ
Թրամփի վարչակազմը Կոնգրեսին հայտնել է, որ Իրանի աղջիկների դպրոցի մոտ հարվածները հասցրել են ԱՄՆ զինվորականները. NBC News
Քաղաքականություն
06.03.2026 | 22:14
NBC News-ը, հղում անելով երկու տեղեկացված աղբյուրների, հաղորդում է, որ Թրամփի վարչակազմի անդամները փակ դռների հետևում Կոնգրեսին հայտնել են, որ Իրանի տարածքում, որտեղ աղջիկների դպրոց է ոչնչացվել, հարվածները հասցրել են ամերիկյան զինվորականները, գրում է BBC-ի ռուսական ծառայությունը։
ԱՄՆ-ը գիտի, որ Իսրայելը չի հարձակվել դպրոցի վրա, հայտնել են պաշտոնյաները Կոնգրեսին։ Նրանք ընդունել են, որ ԱՄՆ ուժերն ակտիվ են եղել Մինաբի դպրոցի շրջակայքում և այլընտրանքային տարբերակներ չեն առաջարկել այն մասին, թե որ կողմը կարող էր հարվածել դպրոցին։
Ավելի վաղ Reuters-ը, հղում անելով աղբյուրներին, հաղորդել էր, որ ԱՄՆ զինվորական հետաքննիչները կարծում են՝ ԱՄՆ ուժերը հարվածել են դպրոցին, չնայած սա դեռևս հետաքննության վերջնական եզրակացությունը չէ։
Արբանյակային պատկերները և դեպքի վայրից ստուգված տեսանյութերը ենթադրում են, որ հարվածները միտումնավոր են եղել, սակայն առկա տվյալների հիման վրա ճշգրիտ մեղավորները պարզ չեն։
Իրանական իշխանությունների տվյալներով՝ պատերազմի առաջին օրը դպրոցի վրա հարվածների հետևանքով զոհվել է առնվազն 168 մարդ (հիմնականում՝ դպրոցական աղջիկներ)։ Արբանյակային պատկերները ցույց են տալիս, որ դպրոցը գտնվում է Իսլամական հեղափոխության պահապանների կորպուսի բազայի մոտ, բայց դրանից բաժանված է պատով։
Թարգմանությունը՝ Էմմա Չոբանյանի
