14.09.2026 | 19:08
«Արթիկ» ՔԿՀ-ի ծառայող է ձերբակալվել
Որ քաղաքական ուժը քանի տոկոս ձայն կհավաքեր, եթե ընտրությունները լինեին առաջիկա կիրակի․ հրապարակվել են IRI-ի հետազոտության արդյունքները
Քաղաքականություն
06.03.2026 | 10:51
«Քաղաքացիական պայմանագրին»՝ Նիկոլ Փաշինյանին, կքվեարկեր ընտրողների 24 տոկոսը, «Ուժեղ Հայաստան» կուսակցությանը՝ Սամվել Կարապետյանին՝ 9 տոկոսը, իսկ «Հայաստան» դաշինքից Ռոբերտ Քոչարյանը և «Բարգավաճ Հայաստան» կուսակցության առաջնորդ Գագիկ Ծառուկյանը 4-ական տոկոս կստանային, եթե ընտրությունները լինեին հաջորդ կիրակի։ Այսօր առավոտյան հարցման այս արդյունքները հրապարակել է Միջազգային հանրապետական ինստիտուտը՝ IRI-ն։
Մեկական տոկոս ձայներ կհավաքեն «ԴՈԿ» կուսակցությունը՝ Վարդան Ղուկասյանի գլխավորությամբ, «Հայաստանի շնորհապետական կուսակցությունը»՝ Գուրգեն Սիմոնյանը, «Միասնության թևեր»-ը՝ Արման Թաթոյանը և «Հանրապետություն» կուսակցությունը՝ Արամ Սարգսյանը։
Քաղաքական դեմքերից ու ուժերից առավել բարձր տոկոս, սակայն, հավաքել է «չի որոշել, դժվարանում է պատասխանել» տարբերակը՝ 30 տոկոս, հարցվածների 9 տոկոսը հրաժարվել է պատասխանել, 5 տոկոսը կվերացնի քվեաթերթիկը, իսկ ընտրողների 8 տոկոսը, պարզապես չի գնա քվեարկության։
Զուգահեռ նույն հարցը տրվել է նաև չկողմնորոշված ընտրողների շրջանում, որտեղ հարցման պատասխանին զուգահեռ նշվում է՝ սպոնտան պատասխան նրանց շրջանում, ովքեր ասում են՝ շատ հավանական է, որ կքվեարկեն։ Այս հարցմամբ առաջին տեղում Նիկոլ Փաշինյանն է՝ այս անգամ 29 տոկոսով, Սամվել Կարապետյանը կստանար 11 տոկոս, Ռոբերտ Քոչարյանը՝ 4 տոկոս, իսկ Գագիկ Ծառուկյանը՝ 2 տոկոս ձայն։ Այնուամենայնիվ, 28 տոկոսը դժվարացել է վերջնական պատասխանել, իսկ 11 տոկոսը՝ հրաժարվել պատասխանել։
Ռոզա Վարդանյան
