18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ԱԺ բոլոր խմբակցությունները կողմ կքվեարկեն 2019 թվականի բյուջեի նախագծին
Քաղաքականություն
14.11.2018 | 16:01
ՀՀ 2019 թվականի պետական բյուջեին ԱԺ բոլոր խմբակցությունները կողմ կքվեարկեն։ Այս մասին այսօր ԱԺ-ում բյուջեի նախագծի քննարկման ժամանակ ասաց ՀՅԴ խմբակցության ղեկավար Արմեն Ռուստամյանը:
«ՀՀ 2019 թվականի պետական բյուջեն ոչ թե իներցիոն, այլ փոխանցիկ բյուջե է։ Մենք, բնականաբար, կողմ ենք քվեարկելու՝ ելնելով այն հանգամանքից, որ վերջին շնչում պետք չէ խնդիրներ ստեղծել։ Հուսով ենք՝ նոր խորհրդարանը կվերահսկի բյուջեի կատարումը, նոր կառավարությունը բյուջեի հիմնական բաղադրիչները կիրականացնի»,- ասաց պատգամավորը և նշեց, որ այս բյուջեի ծնողները՝ ԱԺ-ն ու Կառավարությունը, պաշտոնանկ ու ժամանակավոր են, բայց, միևնույն է, պետք է բյուջեն հաստատեն։
«Մենք այս բյուջեին կողմ ենք քվեարկելու նաև նրա համար, որ բազային կենսաթոշակը 10․000 դրամով ավելանալու է։ Եթե մենք ասում ենք, որ երկրում աղքատներ չպետք լինեն, գոնե պետք է ունենանք աղքատի բանաձևում։ Մինչև հիմա որևէ մեկը համարձակություն չունեցավ ասել, որ կենսապահովման նվազագույն չափի եկամուտ չունեցողներն աղքատ են, այսինքն՝ 70-80 տոկոսը մեր բնակչության աղքատ է»,- ասաց նա։
