18.12.2025 | 23:24
ՀՀ տարածքում ավտոճանապարհները հիմնականում անցանելի են
Մուրադ Մուրադյանը կրկին առաջադրվելու է ՀՀԿ ցուցակով
Քաղաքականություն
14.11.2018 | 15:58
Արարատի մարզից ռեյտինգային ընտրակարգով ընտրված Հանրապետական խմբակցության պատգամավոր Մուրմադ Մուրադյանը կրկին առաջադրվելու է որպես պատգամավորի թեկնածու: Այս մասին Factor.am-ին հայտնեց պատգամավորը:
Ազգային ժողովի նախորդ ընտրություններին Արարատի մարզից առաջադրված և ավելի քան 17 հազար քվե ստացած Մուրադ Մուրադյանը, սակայն, վստահ չէ, որ այս անգամ ևս նույնքան ձայն կստանա:
«Տո՛ չէ հա, որտեղի՞ց կստացվի նույնքան ձայն ստանալ: Մարդիկ կան, որ իրենց ճիշտ չեն պահել և դա անդրադառնում ա մեզ վրա»,- առանց հստակեցնելու, թե ինչի մասինն է խոսքը, մեկնաբանեց Մուրադ Մուրադյանը՝ հարկ համարելով ընդգծել, որ գուցե իր մասին սուտ լուրեր տարածելու փորձեր արվեն:
Նշենք, որ նախորդ ընտրություններին Արարատի մարզից ռեյտինգային ընտրակարգով առաջադրված մեկ այլ պատգամավոր Ալիկ Սարգսյանն արդեն հայտարարել է՝ այս ընտրություններին առաջադրվելը նպատակահարմար չի համարում:
