16.11.2024 | 19:27
Հյուսիսային պողոտայում սրճարաններից մեկում բռնկված հրդեհի հետևանքով քաղաքացին դեմքի շրջանում ստացել է այրվածքներ
Այս քարոզարշավին բացառվում է ուսուցիչների ներգրավվածությունը. Արայիկ Հարությունյան. ՏԵՍԱՆՅՈՒԹ
Քաղաքականություն
14.11.2018 | 12:52
Ուսուցիչների ներգրավվածությունն այս քարոզարշավին բացառվում է: Այս մասին այսօր՝ նոյեմբերի 14-ին, ՀՀ Ազգային ժողովում լրագրողների հետ զրույցում հայտարարեց կրթության և գիտության նախարարի պաշտոնակատար Արայիկ Հարությունյանը:
«Դպրոցներն ապաքաղաքական են, և ուսուցիչներն ու տնօրեններն այլևս պարտավորություն չունեն որևէ կերպ ներգրավվելու ընտրություններին, հետևաբար՝ իրենց աշակերտներին և նրանց ծնողներին ներգրավելու: Դա անմիջականորեն ազդել է կրթական ոլորտի, որակի վրա: Ընտրություն կեղծող ուսուցիչը չէր կարող քաղաքացի դաստիարակել»,- հավելեց նախարարի պաշտոնակատարը:
Արայիկ Հարությունյանի համար սրանք հերթական ընտրություններն են, պարզապես, նրա հավաստմամբ, այս անգամ բազմաթիվ խոչընդոտներ չկան. «Քաղաքական թիմերի կողմից տարբեր խմբերի նկատմամբ ճնշումներ չկան, ընտրություններն ազատ են, թափանցիկ, որևէ լուրջ գործոն չկա, որը կազդի դրանց արդյունքի վրա»:
Ինչ վերաբերում է «Իմ քայլը» դաշինքի նախընտրական ցուցակին. Արայիկ Հարությունյանի խոսքով՝ այն կազմվել է՝ պրոֆեսիոնալիզմի, քաղաքական անցած ճանապարհի, քաղաքական պրոցեսների վրա ազդելու հնարավորությունները հաշվի առնելով:
Մանրամասները՝ տեսանյութում:
