02.03.2026 | 22:26
Բաքվում Ճապոնիայի դեսպանատունը դադարեցրել է գործունեությունը՝ Մերձավոր Արևելքում ստեղծված իրավիճակի պատճառով
Նեթանյահուի գրասենյակը հերքում է Իրանի պնդումները, որ Իսրայելի վարչապետի ճակատագիրն անհայտ է Երուսաղեմի հրթիռակոծությունից հետո
Քաղաքականություն
02.03.2026 | 19:20
Իսրայելի վարչապետ Բենիամին Նեթանյահուի գրասենյակը «կեղծ լուր» է որակել Իրանի պնդումը, որ Երուսաղեմի վրա հրթիռային հարձակումից հետո վարչապետի ճակատագիրն անհայտ է, գրում է The Times of Israel-ը։
Իրանական կիսապաշտոնական Fars լրատվական գործակալության կողմից հեռարձակված տեսաուղերձում ռազմական գերատեսչության խոսնակը պնդում է, որ Իրանի «Խայբար» հրթիռները հաջողությամբ հարվածել են Նեթանյահուի գրասենյակին և Ռազմաօդային ուժերի հրամանատար Թոմեր Բարի տանը՝ անակնկալ հարձակման միջոցով։
Երուսաղեմում հրթիռային հարվածների մասին որևէ հաղորդագրություն չի եղել շուրջ երկու ժամ առաջ օդային հարձակման ազդանշանների հնչելուց հետո։ Նեթանյահուի գրասենյակը, տարբեր տվյալներով, անվնաս է։
Թարգմանությունը՝ Էմմա Չոբանյանի
