07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Իրանը հայտարարել է Իսրայելի վարչապետ Նեթանյահուի գրասենյակին հարվածելու մասին
Քաղաքականություն
02.03.2026 | 15:03
Իրանը հայտարարել է, որ թիրախավորել է Իսրայելի վարչապետ Բենիամին Նեթանյահուի գրասենյակը և ռազմաօդային ուժերի հրամանատարի շտաբը։ Ըստ Իսլամական հեղափոխության պահապանների կորպուսի՝ Իսրայելի վարչապետի ճակատագիրը անորոշության մեջ է։
Իրանական Tasnim գործակալության փոխանցմամբ՝ Իսլամական հեղափոխության պահապանների կորպուսի հասարակայնության հետ կապերի բաժինը հայտարարել է, որ «սիոնիստական ռեժիմի հանցագործ վարչապետի գրասենյակը և ռեժիմի ռազմաօդային ուժերի հրամանատարի գտնվելու վայրը ենթարկվել են հարձակման և ծանր հարվածի Իսլամական Հանրապետության զինված ուժերի կողմից՝ Խայբեր հրթիռներով թիրախային և անակնկալ հարձակումների միջոցով»։
Նշվում է, որ Իրանի կողմից տասներորդ ալիքի հաջող հրթիռային հարձակումները կենտրոնացած են եղել Իսրայելի կառավարության շենքի վրա, այդ հարձակումների հետևանքների մասին կհայտարարվի ավելի ուշ։
Իսրայելական կողմը հարվածների մասին դեռևս տեղեկություններ չի հաղորդում։
Թարգմանությունը՝ Էմմա Չոբանյանի
