19.12.2025 | 17:51
Դավիթ Մանուկյանն ու Արայիկ Հարությունյանը Բաքվի դատարանում եզրափակիչ ելույթներով են հանդես եկել
Խիստ մտահոգիչ է բյուջեում կրթությանն ու մշակույթին հատկացված գումարի չափը․ Ս․ Սեյրանյան. ՏԵՍԱՆՅՈՒԹ
Տնտեսություն
14.11.2018 | 10:49
Ազգային ժողովում այսօր՝ նոյեմբերի 14-ին, շարունակվում է հերթական քառօրյան, որի օրակարգում է «ՀՀ 2019 թվականի պետական բյուջեի մասին» ՀՀ օրենքի նախագիծը:
ԱԺ ՀՅԴ խմբակցության պատգամավոր Սպարտակ Սեյրանյանը, խոսելով ներկայացված բյուջեի նախագծի մասին, նշեց, որ 2019 թվականի բյուջեի նախագծում տեսնում է մի շարք մտահոգիչ կետեր։
«Վերջին տարիների բոլոր բյուջեները փորձում են մեթոդաբանական խնդիր լուծել, ձևավորում են բյուջե, որ կազմվում է եղած ռեսուրսների և տասնամյակներ շարունակ իրենց խորքի մեջ սպառած իներցիոն տրամաբանության հիման վրա։ Այս բյուջեի մեջ էլ սոցիալական արդարության խնդիրները ընդամենը մի քանի ոլորտներում են ընդգրկված։ Շատ կարևոր շեշտադրում է կատարվում բյուջեի նախագծում՝ աշխատանքը խրախուսելու ուղղությամբ։ Սակայն այդ աշխատանքի խրախուսումը պետք է լինի չափելի, իսկ չափել հնարավոր է այն ժամանակ, երբ միկրոտնտեսությունից որոշակի չափ փոխանցվի մանր ու միջին բիզնեսին, իսկ աշխատանքի խրախուսումը պետք է տարածել ոչ միայն տնտեսության, այլ նաև գիտության և մշակույթի ոլորտում»,- ասաց Սեյրանյանը։
Դաշնակցական պատգամավորի համար խիստ մտահոգիչ է նաև բյուջեում կրթությանն ու մշակույթին հատկացված գումարի չափը։
Մանրամասները՝ տեսանյութում։
