16.11.2024 | 17:29
Պուտինի և Շոլցի հեռախոսազրույցը տևել է մեկ ժամ
Սփյուռքի նախարարի պաշտոնակատարը ևս կլինի «Իմ քայլի» ցուցակում․ իսկ նախարարությունում առաջիկայում կրճատումներ են սպասվում․ ՏԵՍԱՆՅՈՒԹ
Քաղաքականություն
13.11.2018 | 19:26
Սփյուռքի նախարարի պաշտոնակատար Մխիթար Հայրապետյանը կլինի «Իմ քայլը» դաշինքի համամասնական ցուցակում։
Այս մասին Factor.am-ի հետ զրույցում ասաց նախարարը, հավելելով, որ անկախ նրանից՝ օրենսդիր, թե գործադիր մարմնում կշարունակի հետագա գործունեությունը, դրանից իր աշխատանքի արդյունավետությունը չի ընկնի։
Նախարարի պաշտոնակատարն իր տարիքին առնչվող քննադատություններին ըմբռնումով է մոտենում․ «Հասարակության մեջ կա այդ մտավախությունը, որ եթե դու երիտասարդ ես, դա ենթադրում է փորձի պակաս։ Ես իմ ամենօրյա աշխատանքով փորձում եմ հակառակն ապացուցել, կոտրել կարծրատիպերը և ցույց տալ, որ Հայաստան-Սփյուռք հարաբերություններում հարկավոր է թարմություն, նորարար մտածողություն և երիտասարդական եռանդ»։
Սփյուռքի նախարարի պաշտոնակատարի կարծիքով՝ ինքն ու իր թիմը, թե՛ Հայաստանում և թե՛ Սփյուռքում վսահություն են վայելում։
Մխիթար Հայրապետյանն իր և նախկին նախարար Հրանուշ Հակոբյանի միջև համեմատականներ անցկացնելիս շեշտը դնում է գաղափարական տարբերությունների վրա․ «Խոսքն այն մասին չէ, որ ես ավելի լավն եմ կամ ավելի վատը, խոսքն այն մասին է, որ ակնհայտորեն մենք տարբեր ենք, իմ և նախկին նախարարի մոտեցումները տարբեր են»։
Իսկ թե կառավարության նախաձեռնած օպտիմալացման ծրագրի շրջանակներում ինչ ճակատագրի կարժանանա նախարարությունը, Հայրապետյանն ասաց, որ դեռ վարչապետի հետ չեն քննարկել․
«Մեր խնդիրն է նախարարությունը դարձնել սուպերնախարարություն, որովհետև ունենք համոզմունք, որ այն ամնանամեծ ռեսուրս ունեցողներից է, ճիշտ աշխատելու դեպքում նախարարույթունը կարևորագույն դերակատարներից է լինելու։ Եթե նախարարությունը պարզապես տարատեսակ փառատոններ կազմակերպող գերատեսչություն լինի, ինքս էլ կխրախուսեմ, որ լինի այլ գերատեսչության կազմում, բայց եթե իր առջև հավակնոտ ծրագրեր է դնում, ապա կարևորագույն կառույցներից մեկն է լինելու»։
Մխիթար Հայրապետյանն, այնուամնեյանիվ, նշեց, որ Սփյուռքի նախարարությունում օպտիմալացում տեղի կունենա. «Սփյուռքի նախարարության ներսում կառուցվածքային բաեփոխումներն անխուսափելի են, այսինքն կօպտիմալացվեն վարչությունները, ստորաբաժանումների քանակը կկրճատվի, աշխատողների քանակը ստորաբաժանումների մեջ կավելացվի և սա նաև հնարավորություն կտա աշխատավարձերի բարձրացման և ճկուն քաղաքականության»։
Մանրամասները՝ տեսանյութում
Լիլիթ Շաբոյան
