27.02.2026 | 23:01
Ադրբեջանում Բրիտանիայի դեսպանատունն արձագանքել է բրիտանական խորհրդարանում անցկացված Արցախի վերաբերյալ քննարկմանը
Բրյուսելում մտել եմ խանութ, տեսնեմ՝ ցելոֆանով ապրանք են վաճառում. Թունյան. ՏԵՍԱՆՅՈՒԹ
Տեսանյութեր
27.02.2026 | 13:40
«Հայաստանը պետք է զգույշ լինի Եվրամիության հետ կնքված Համապարփակ և ընդլայնված գործընկերության համաձայնագրի (ՍԵՊԱ) պահանջները կիրարկելիս՝ խուսափելով ծայրահեղություններից և հաշվի առնելով տնտեսվարողների շահերը»,- այս մասին ԱԺ տնտեսական հարցերի մշտական հանձնաժողովում քննարկման ժամանակ ասաց հանձնաժողովի նախագահ Բաբկեն Թունյանը։
«Ես գործուղման էի մի քանի օր առաջ եվրոպական երկրներից մեկում՝ Բրյուսելում: Հատուկ մտել եմ խանութ ու նայել եմ, օրինակ, իրանք ցելոֆանով ապրանք վաճառո՞ւմ են, թե՝ չէ: Պարզվել ա՝ վաճառում են։ Ես հիշում եմ՝ մենք ժամանակին ունեինք օրենսդրական նախաձեռնություն, որով պիտի արգելեինք մրգերը կտրտած վիճակում վաճառելը։ Ու դա էլի հղում էինք անում… բայց էդ էլ եմ հատուկ ստուգել՝ կտրտած մրգերը վաճառում են էդ միանգամյա պլաստիկ տարաների մեջ»,- ասաց Թունյանը:
Անդրադառնալով Մրցակցության պաշտպանության հանձնաժողովի աշխատանքին՝ Թունյանը հորդորել է կառույցին առավելապես կենտրոնանալ ոչ թե արդեն իսկ կատարված խախտումները «պոստ-ֆակտում» հայտնաբերելու և արձանագրելու, այլ նախնական, կանխարգելիչ վերլուծություններ իրականացնելու վրա։
Էկոնոմիկայի նախարար Գևորգ Պապոյանը հանձնաժողովի նիստին «Սպառողների իրավունքների պաշտպանություն» և «Գովազդի մասին» օրենքներում փոփոխություններ և լրացումներ կատարելու նախագիծն էր ներկայացնում, որոնք մշակվել են եվրոպական (ՍԵՊԱ) ստանդարտներին համապատասխան։
Մանրամասները՝ տեսանյութում:
