Սաուդյան Արաբիայի առաջնության առաջատար «Ալ Նասրի» 41-ամյա հարձակվող, Պորտուգալայի հավաքականի ավագ Կրիշտիանու Ռոնալդուն ձեռք է բերել իսպանական «Ալմերիա» ակումբի բաժնետոմսերի 25 տոկոսը։
«Ալմերիան» հանդես է գալիս Սեգունդայում և հավակնում է նվաճել Լա լիգայի ուղեգիր։
«Ես միշտ ձգտել եմ ներդրում ունենալ ֆուտբոլում ոչ միայն խաղադաշտում։ «Ալմերիան» ամուր հիմքով և զարգացման հստակ ներուժ ունեցող ակումբ է։ Շատ ուրախ եմ ակումբի ղեկավարության հետ միասին աշխատելու հնարավորության համար՝ աջակցելու նրա զարգացման հաջորդ փուլին»,- Կրիշտիանու Ռոնալդուի խոսքը մեջբերում է AS-ը։
Գործարքն իրականացվել է CR7 Sports Investments ընկերության միջոցով, որը CR7 SA-ի դուստր կառույցն է և ստեղծվել է սպորտային ոլորտում 41-ամյա ֆուտբոլիստի ներդրումների համախմբման և կառավարման նպատակով։
