15.04.2026 | 23:15
Մրգաշենում սպանություն կատարած եղբայրները կալանավորվել են. ՔԿ
«Ռեալը» մարզադաշտից վռնդել է նացիստական ողջույն ցուցադրած երկրպագուին․ ՏԵՍԱՆՅՈՒԹ
26.02.2026 | 14:27
Մադրիդի «Ռեալի» երկրպագուներից մեկին մարզադաշտից դուրս են հանել պորտուգալական «Բենֆիկայի» դեմ ֆուտբոլի Չեմպիոնների լիգայի անցումային փլեյ-օֆֆի պատասխան խաղում նացիստական ողջույն ցուցադրելու համար, հաղորդում է Marca-ն։
Մադրիդի «Սանտիագո Բերնաբեու» ստադիոնում կայացած հանդիպումից առաջ հեռարձակման մեջ հայտնված երկրպագուն ցուցադրել է նացիստական ողջույն։ Անվտանգության աշխատակիցները հայտնաբերել են նրան ու վռնդել ստադիոնից։
«Ռեալը» պաշտոնական հայտարարությամբ է հանդես եկել միջադեպի առնչությամբ, դատապարտել տեղի ունեցածը և հայտնել, որ կանցկացնի կարգապահական հետաքննություն։
Այդ խաղում «Արքայական ակումբը» կամային հաղթանակ էր տարել 2։1 հաշվով ու նվաճել 1/8 եզրափակիչի ուղեգիր։
