21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
Չեմպիոնների լիգա․ «Ռեալը» և ՊՍԺ-ն 1/8 եզրափակիչում են․ ՏԵՍԱՆՅՈՒԹ
26.02.2026 | 10:53
Ֆուտբոլի Չեմպիոնների լիգայի անցումային փլեյ-օֆֆի պատասխան խաղում Մադրիդի «Ռեալը» տանը 2։1 հաշվով կամային հաղթանակ է տարել պորտուգալական «Բենֆիկայի» նկատմամբ ու նվաճել 1/8 եզրափակիչի ուղեգիր (տեսանյութ)։ Առաջին խաղում ևս հաղթել էր իսպանական ակումբը (1:0):
Պորտուգալացի պաշտպան Ռաֆայել Սիլվայի գոլին «Արքայական ակումբը» պատասխանել է ֆրանսիացի կիսապաշտպան Օրելյեն Չուամենիի ու բրազիլացի հարձակվող Վինիսիուս Ժունիորի դիպուկ հարվածներով։ «Ռեալը» 2 գոլերն էլ խփել է ուրուգվայցի կիսապաշտպան Ֆեդերիկո Վալվերդեի փոխանցումից հետո։
Չեմպիոնների լիգայի գործող գավաթակիր ՊՍժ-ն 2։2 հաշվով է ավարտել «Մոնակոյի» դեմ տնային հանդիպումը և անցել հաջորդ փուլ (տեսանյութ)։ Առաջին խաղում Ֆրանսիայի չեմպիոնը հաղթել էր 3։2 հաշվով։
Թուրինի «Յուվենտուսը» սեփական խաղադաշտում 3։2 հաշվով հաղթել է Ստամբուլի «Գալաթասարային», բայց ավարտել է պայքարը, քանի որ առաջին խաղում պարտվել էր 2։5 հաշվով (տեսանյութ)։ Իտալական ակումբը 3 անպատասխան գոլ է խփել 90 րոպեում, բայց լրացուցիչ ժամանակում բաց է թողել 2 գնդակ։
Իտալական «Ատալանտան» առաջին խաղում Դորտմունդի «Բորուսիային» 0։2 հաշվով պարտվելուց հետո հաղթել է 4։1 հաշվով ու անցել 1/8 եզրափակիչ (տեսանյութ)։
