01.10.2026 | 10:33
2027-ի բյուջեն՝ 3 տրիլիոն 603.8 միլիարդ դրամ․ դեֆիցիտը կկազմի շուրջ 468.2 միլիարդ դրամ
Թումանյանն էլ ողջ լիներ, ասելու էինք՝ գնա «Շունն ու կատուդ» գրիր, մեզ դասեր մի՛ տուր. Նարինե Գրիգորյան․ ՏԵՍԱՆՅՈւԹ
Հաղորդաշարեր
21.02.2026 | 19:00
«Այսօր ես թույլ չեմ տալիս, որ մեր թատրոնի խաղացանկում լինեն դեպրեսիվ ներկայացումներ, փոխարենը ապրեցնող ներկայացումներ եմ ուզում, որ հանդիսատեսը դուրս գա կյանքով լցված: Հիմա թատրոնը շատ ուժ պետք է տա հանդիսատեսին»,-Factor TV-ի հետ զրույցում նշում է Սոս Սարգսյանի անվան Համազգային պետական թատրոնի գեղարվեստական ղեկավար, ռեժիսոր, դերասան Նարինե Գրիգորյանը:
Նրա խոսքով՝ պատերազմից հետո թատրոնի լեզուն փոխվել է, և, օրինակ, «Հաղթանակի գենեզիսը», որտեղ շոշափվում է Արցախյան առաջին պատերազմի թեման, այսօր կարծես նորովի է ներկայացվում հանդիսատեսին:
Նարինե Գրիգորյանը խոսում է նաև մեր հանդիսատեսի, հասարակության մասին, մատնանշում այն խնդիրները, որոնց առջև կանգնած ենք.«Մենք դարձել ենք իդեալ չունեցող հասարակություն, արժեհամակարգ կորցրած հանդիսատես: Այսօր Թումանյանն էլ լիներ, ասելու էինք՝ դու գնա «Շունն ու կատուդ» գրիր, ի՞նչ ես եկել, մեզ դասեր ես տալիս: Ցավոք, չարացել ենք, աղճատվել, կորցրել ենք մեր իդեալները: Դրա համար էլ ում ասես՝ փնովում ենք: Դա հիվանդություն է, ախտ, որը պետք է բուժել:
Եկե՛ք զգուշանանք, խնայենք իրար, չբևեռացվենք»:
Մանրամասները՝ տեսանյութում:
Աննա Բաբաջանյան
