18.12.2025 | 12:05
Մայր Աթոռում հավաք ու պատարագ նույն ժամին // ԱՄՆ-ը կշրջափակի Վենեսուելայի նավթատարները․ ԼՈՒՐԵՐ
Մենք պետք է մտածենք, ոչ թե խնդրելու մասին, որ մեր պարտքը մեզ ներվի, այլ, որ այդ պարտքի սպասարկումը մեզ համար դառնա չնչին․ Ա․ Ջանջուղազյանը՝ Հովիկ Աղազարյանին․ ՏԵՍԱՆՅՈՒԹ
Տնտեսություն
13.11.2018 | 12:20
Ազգային ժողովի «Ելք» խմբակցության պատգամավոր Հովիկ Աղազարյանն այսօր ֆինանսների նախարարի պաշտոնակատար Ատոմ Ջանջուղազյանից հետաքրքրվեց ՝ հնարավոր է արդյոք արտաքին պարտքի մի մասը վերաձևակերպել և հնարավոր է արտաքին պարտքի մի մասի համար խնդրել պարտատերերին, որ զիջեն։
Պատգամավորի հարցին ի պատասխան Ատոմ Ջանջուղազյանը խորհուրդ տվեց նման մտադրություն անգամ չունենալ, որովհետև դա ամենալավ լուծումը չէ։
«Մենք պետք է մտածենք, ոչ թե խնդրելու մասին, որ մեր պարտքը մեզ ներվի, այլ այն մասին, թե ինչպես պետք է մեր տնտեսությունն արագ աճի, որ այդ պարտքի սպասարկումը մեզ համար դառնա չնչին և իրենից ոչինչ չներկայացնող մի բան։ Մենք պետք է ամեն ջանք գործադրենք, որ որևէ պարտքի սպասարկում մենք չհետաձգենք»,- ասաց Ջանջուղազյանը՝ նշելով, որ ՀՀ-ին վարկերը տրամադրվում են արտոնյալ պայմաններով, քանի որ մեր երկիրը 2013 թվականից դիտարկվում է միջինից ցածր եկամուտ ունեցող երկիր։
Մանրամասները՝ տեսանյութում։
