26.04.2026 | 12:24
Ուրախ եմ լսել, որ նախագահ Դոնալդ Թրամփը և մյուս ներկաները ապահով են ու լավ վիճակում․ Նիկոլ Փաշինյան
Ենթադրվում էր՝ «նոր Հայաստան՝ նոր որակի բյուջե», բայց ունեցանք իներցիոն բյուջե․ Սերգեյ Բագրատյան․ ՏԵՍԱՆՅՈՒԹ
Տնտեսություն
13.11.2018 | 11:59
«Հանրային սպասելիքներն այլ էին, ենթադրվում էր՝ «նոր Հայաստան՝ նոր որակի բյուջե», սակայն այս պահին ունենք այն, ինչ ունենք․ սա իներցիոն բյուջե է։ Հիմա մենք պե՞տք է կարողանանք այս բյուջեի մեջ տեղավորել մեր նորությունները, մտածելու որակը, որը պետք է բան փոխեր մեր սպասելիքներում։ Հիմա եթե ընդունում ենք, որ ծրագրային բյուջետավորումը նոր բան է, և դուք դա համարում եք բավարար, սակայն ինձ հետաքրքրում է՝ արդյոք մտածե՞լ եք բյուջեի ծախսային մասը նոր բանաձևով հաշվելու մեխանիզմը, և հաշվե՞լ եք ծախսը՝ ըստ տված արդյունքի»,- այսօր Ազգային ժողովում 2019 թվականի բյուջեի նախագծի քննարկման ժամանակ ՀՀ Ֆինանսների նախարարի պաշտոնակատար Ատոմ Ջանջուղազյանին հարցրեց «Ծառուկյան» խմբակցության պատգամավոր Սերգեյ Բագրատյանը։
Ի պատասխան Ջանջուղազյանը նշեց, որ մեր սպասելիքները կարող են շատ հակասական լինել, իսկ ինչ վերաբերում է ծախսերի արդյունավետության խնդրին, ապա հավելեց․ «2019 թվականի բյուջեի առանձնահատկությունն այն է, որ գնահատվում են ոչ թե գործընթացները, այլ դրանց արդյունքները, որոնք ակնկալվում է արձանագրել ծախսած ֆինանսական միջոցների հաշվին։ Իհարկե՛, սա կատարյալ լինելուց հեռու է, բայց մեր բոլորի ջանքերով, ես համոզված եմ, որ հնարավոր է հասնել այն վիճակին, որ գործընթացի արդյունավետության մասին հնարավոր լինի դատողություններ անել բյուջեում առաջարկված ցուցանիշներով»։
Մանրամասները՝ տեսանյութում։
