16.11.2024 | 20:02
Ֆրանսիայի ռեստորաններից մեկում պատանդ վերցված 4 աշխատակիցներն ազատ են արձակվել
Մակունցի զգուշացումը օպերայի փոխտնօրենին. թատրոնում քաղաքական գործունեությամբ չզբաղվել և քարոզչություն չանել
13.11.2018 | 10:51
ՀՀ մշակույթի նախարարի պաշտոնակատար Լիլիթ Մակունցը ֆեյսբուքյան գրառմամբ զգուշացում է արել օպերայի և բալետի թատրոնի տնօրենի տեղակալին՝ աշխատանքային ժամերին քաղաքական գործունեությամբ զբաղվելու և քարոզչություն անելու համար:
Նախարարի պաշտոնակատարը, սակայն, չի նշել, թե ում օգտին է քարոզչություն արել թատրոնի փոխտնօրենը:
«Հայտարարում եմ բանավոր զգուշացում Ալեքսանդր Սպենդիարյանի անվան օպերայի և բալետի ազգային ակադեմիական թատրոնի տնօրենի տեղակալ Կարինե Կիրակոսյանին՝ աշխատանքային ժամերին քաղաքական գործունեությամբ զբաղվելու և աշխատակիցների նկատմամբ ուղղորդված քարոզչություն ու հոգեբանական ճնշում գործադրելու հետ կապված: Օպերայի տնօրեն պարոն Օրբելյանի ուշադրությանն եմ հրավիրում այս հանգամանքը և պահանջում խստագույնս հետևել օրենքին ու դուրս չգալ սահմանված լիազորությունների և գործառույթների շրջանակներից. հակառակ դեպքում կկիրառվեն վարչական խիստ միջոցներ: Այս զգուշացումն ի գիտություն ընդունել Հայաստանի Հանրապետության մշակույթի նախարարության ենթակայության տակ գտնվող բոլոր ՊՈԱԿ-ներին»,- գրել է Լիլիթ Մակունցը:
