07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Պաուլու Բարբոսա․ Սպերցյանը չպետք է միանգամից տեղափոխվի թոփ ակումբ
17.02.2026 | 20:25
Հայտնի ֆուտբոլային գործակալ Պաուլու Բարբոսան կարծիք է հայտնել Հայաստանի ազգային հավաքականի ավագ, Ռուսաստանի չեմպիոն «Կրասնոդարի» կիսապաշտպան Էդուարդ Սպերցյանի ապագայի վերաբերյալ։
«Ֆուտբոլը դաժան մարզաձև է։ Սպերցյանը թոփ ֆուտբոլիստ է, սակայն դա չի նշանակում, որ նա 100 տոկոսով կհաջողի ցանկացած թիմում։ Մեծ ակումբներում կա մրցակցություն, այնտեղ խաղում են բարձրակարգ ֆուտբոլիստներ։ Անհրաժեշտ է, որպեսզի լինեն ազատ տեղեր։ Էդուարդը պետք է լավ անցկացնի առաջնության երկրորդ հատվածը։ Պետք է ընտրել միջին մակարդակի թիմ, ցուցադրել լավագույն որակները և սպասել առաջ գնալու համար հարմար պահի»,- գործակալի խոսքը մեջբերում է «РБ Спорт»-ը։
Էդուարդ Սպերցյանը «Կրասնոդարի» սան է, գլխավոր թիմում անցկացրել է 168 հանդիպում, խփել 53 գոլ ու կատարել 45 ասիստ։ Ռուսաստանի ընթացիկ առաջնությունում 25-ամյա կիսապաշտպանը մասնակցել է 18 հանդիպման, դարձել 8 գոլի ու 12 գոլային փոխանցման հեղինակ։ Հայ ֆուտբոլիստի պայմանագիրը «Կրասնոդարի» հետ նախատեսված է մինչև 2029թ․ հունիսի 30-ը։ Transfermarkt-ը 25 միլիոն եվրո է գնահատում Սպերցյանի տրանսֆերային արժեքը։
