Հայկ Սարգսյանն առաջարկում է 1,5-3 միլիոն դրամ տրամադրել յուրաքանչյուր զորացրվող զինվորի

Լուրեր

17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
17.11.2026 | 20:09
Վիրավորանքի համար՝ նվազագույնը 1 մլն, զրպարտության համար՝ 2 մլն դրամ․ ԱՆ-ն առաջարկում է փոխհատուցման նոր շեմեր
17.11.2026 | 20:06
Գերմանիայի ԱԳ նախարարը Բաքվում է․ նրան ընդունել է Ալիևը
17.11.2026 | 19:52
Ազգային հերոսը՝ կոռուպցիայի համար դատապարտված․ ինչու Փիլոյանը չի զրկվել կոչումից. ՏԵՍԱՆՅՈՒԹ
17.11.2026 | 19:40
Կրպակները քանդեցին, բարեկարգումը հետաձգվեց․ Շինարարների փողոցի պատկերը՝ 1 ամիս անց. ՏԵՍԱՆՅՈՒԹ
17.11.2026 | 19:30
Հայաստանի բնակչությունը գերազանցել է 3,1 միլիոնը․ հիմնական աճը՝ Երևանում և հարակից մարզերում
17.11.2026 | 19:16
Փրկարարները մարել են հանդիսությունների սրահում բռնկված հրդեհը
17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
Բոլորը

Ազգային ժողովի պատգամավոր Հայկ Սարգսյանն առաջարկում է 1,5-3 միլիոն դրամ տրամադրել յուրաքանչյուր զորացրվող զինվորի, սակայն ոչ պետական բյուջեից։

«Առաջարկում եմ ստեղծել զինվորների հատուկ ֆոնդ, որտեղ կմուտքագրվեն գործող և առաջարկվող օրենսդրական փոփոխություններով մուտքագրվող բոլոր գումարները: Տարվա ընթացքում հավաքագրված ամբողջ գումարը հավասարաչափ կբաշխվի այդ տարի զորացրվող զինծառայողների միջև:
Որքան ավելի մեծ թվով հետախուզվող քաղաքացիներ վերադառնան և վճարեն, որքան ավելի մեծ թվով մեր հայրենակիցներ դիմեն և դառնան Հայաստանի Հանրապետության քաղաքացի, այդքան ավելի մեծ գումար կհավաքագրվի և կբաշխվի մեր զինծառայողների միջև: Այս գումարը 20 տարեկան երիտասարդը կարող է ծախսել կրթություն ստանալու, սեփական գործ սկսելու կամ կյանքի առաջին լուրջ քայլերը անելու համար: Ծառայող տղաները կհասկանան, որ ծառայությունից հետո իրենց սպասվում է մեկնարկային կապիտալ և իրական հնարավորություն նոր կյանքի համար»,-նշել է Սարգսյանը:

Պատգամավորը ներկայացրել է նաև ֆոնդի ձևավորման աղբյուրները.

«1-ին. Իմ կողմից հեղինակած և արդեն ուժի մեջ մտած օրենքներից մեկով՝ 27 տարին լրացած և պարտադիր զինվորական ծառայությունից խուսափած քաղաքացիները կարող են վճարել 15 միլիոն դրամ և ազատվել քրեական պատասխանատվությունից: Այս օրենքով արդեն իսկ հավաքագրվել է 2 միլիարդից ավել գումար: Առաջարկում եմ այս ամբողջ գումարը ուղղել զինվորների հատուկ ֆոնդին:

2-րդ. Իմ մեկ այլ օրենքով՝ չծառայած և 27 տարին լրանալուց հետո հաշվառման կանգնած քաղաքացիները նույնպես պարտավոր են վճարել գումարներ: Այս գումարները ևս առաջարկում եմ ուղղել զինվորների հատուկ ֆոնդ:

3-րդ. Իմ մեկ այլ օրենքով՝ 27 տարին լրանալուց հետո Հայաստանի Հանրապետության քաղաքացիություն ստացող արական սեռի քաղաքացիները նույնպես պարտավոր են ծառայել մեկ տարի ժամկետով կամ վճարել 2,5 միլիոն դրամ: Այս օրենքով արդեն իսկ հավաքագրվել է 160 միլիոն դրամ: Այս գումարները ևս առաջարկում եմ ուղղենք զինվորների հատուկ ֆոնդ:

4-րդ. Բազմաթիվ տղաներ մինչև 18 տարին լրանալը հրաժարվում են Հայաստանի Հանրապետության քաղաքացիությունից, որպեսզի հետագայում չանցնեն պարտադիր զինվորական ծառայություն: Միայն 2025 թվականին 2811 արական սեռի քաղաքացիներ մինչև 18 տարին լրանալը հրաժարվել են Հայաստանի Հանրապետության քաղաքացիությունից: Առաջարկում եմ քաղաքացիությունից հրաժարվելու համար սահմանել 15 միլիոն դրամ և այս ամբողջ գումարը ևս ուղղել զինվորների հատուկ ֆոնդ:

5-րդ. Առաջարկում եմ Հայաստանի Հանրապետության քաղաքացիություն ստանալու համար 2,5 միլիոն դրամ վճարելու հնարավորությունը տարածել նաև 18-ից 27 տարեկան քաղաքացիների վրա: Սա կմոտիվացնի, որպեսզի մեր հայրենակիցները չսպասեն մինչև իրենց 27 տարին լրանալը, այլ 18 տարեկանից սկսած գան Հայաստանի Հանրապետություն, դառնան Հայաստանի Հանրապետության քաղաքացի, վճարեն 2,5 միլիոն դրամ: Հավաքագրված ամբողջ գումարները ևս կուղղենք զինվորների հատուկ ֆոնդ:

6-րդ. Առաջարկում եմ կրճատված ժամկետով պարտադիր զինվորական ծառայություն անցնելու հնարավորություն տանք նաև 18-ից 27 տարեկան տղաներին, որպեսզի նրանք ստիպված չլինեն սպասել մինչև լրանա իրենց 27 տարին: Այս պահին ունենք 4000-ից ավել հետախուզվող տղաներ և հնարավոր է ահռելի ֆինանսական միջոցներ գեներացնել այս օրենքի շնորհիվ: Եվ այս ամբողջ գումարը ևս կուղղենք զինվորների հատուկ ֆոնդ»,-ասել է նա: