Քաղաքականություն
13.02.2026 | 21:00ԱՄՆ փոխնախագահ Ջեյ Դի Վենսն ավարտեց Հայաստան և Ադրբեջան իր պաշտոնական այցերը։ Բաքվում նա ստորագրեց ռազմավարական գործընկերության խարտիա, որը ենթադրում է գործակցություն էներգետիկայի, AI տեխնոլոգիաների և անվտանգության ոլորտում։ Մասնավորապես, պայմանավորվածություն է ձեռք բերվել Ադրբեջանին ամերիկյան պարեկային նավակների և զրահաբաճկոնների տրամադրման շուրջ՝ Կասպից ծովում անվտանգությունն ապահովելու համար։ Եթե Ադրբեջանն ԱՄՆ-ի հետ նոր է սկսում գործակցությունը ԱԲ տեխնոլոգիաների կամ էներգետիկ ոլորտում, ապա Հայաստանում ԱՄՆ-ի փոխնախագահն ու վարչապետ Նիկոլ Փաշինյանը հայտարարեցին արդեն իսկ կյանքի կոչվող ծրագրերի մասին։
Nvidia և Firebird ընկերությունները ՀՀ-ում կառուցում են ԱԲ տվյալային կենտրոն, որի շրջանակում ներդրումները կարող են հասնել 4 միլիարդ դոլարի։ ԱՄՆ-ն հաստատեց 11 մլն դոլարի հետախուզական դրոնների վաճառքը Հայաստանին։ Ստորագրվեց խաղաղ միջուկային տեխնոլոգիաներին վերաբերող համաձայնագիր, որով Հայաստանը դիտարկելու է ամերիկյան մոդուլային ԱԷԿ կառուցելու հարցը, որը կփոխարինի Մեծամորի ԱԷԿ-ին և կնվազեցնի կախվածությունը Ռուսաստանից։
Factor TV-ում հրավիրել ենք քննարկում, որին մասնակցում են Դավիթ Կարապետյանը՝ միջազգայնագետ, Ավետիք Քերոբյանը՝ «Հայաքվե» ազգային-քաղաքացիական միավորման խորհրդի անդամ, Յուրի Մովսիսյանը՝ «Ռեստարտ» հիմնադրամի ծրագրերի համակարգող, Վովա Հակոբյանը՝ Քաղաքացիական պայմանագիր կուսակցության անդամ, Դիաննա Կարապետյանը՝ Ադրբեջանի հարցերով վերլուծաբան։
Հաղորդումն ամբողջությամբ՝ տեսանյութում։
Ռոբերտ Անանյան
