03.04.2026 | 15:03
Թրմամիջոցներ տեղադրող երիտասարդը փախուստի դիմելիս ընկել է ջրատարը. ոստիկանները մախ փրկել են նրան, ապա ձերբակալել
ՌԴ ԱԴԾ-ն ռուս գեներալի դեմ մահափորձի համար Ուկրաինային է մեղադրել
Քաղաքականություն
09.02.2026 | 13:01
ՌԴ ԳՀՎ (ԶՈՒ Գլխավոր շտաբի գլխավոր վարչության) պետի առաջին տեղակալ Վլադիմիր Ալեքսեևի դեմ մահափորձի գործով ձերբակալված Լյուբոմիր Կորբան և Վիկտոր Վասինը «հայտնել են մահափորձի հանգամանքների մասին», հայտարարել է ՌԴ Անվտանգության դաշնային ծառայությունը։ BBC-ի ռուսական ծառայության փոխանցմամբ՝ Ռուսաստանի հատուկ ծառայության տվյալներով՝ Մոսկվայում մահափորձը կատարվել է «Ուկրաինայի անվտանգության ծառայության հանձնարարականով»։
Ուկրաինայի արտաքին գործերի նախարար Անդրեյ Սիբիհան նախկինում Reuters-ին ասել էր, որ Կիևը ներգրավված չէ գեներալի դեմ մահափորձում։ Ուկրաինայի անվտանգության ծառայությունը չի մեկնաբանել մահափորձը։
ԱԴԾ-ն հայտարարել է, որ Կորբան, ենթադրաբար, հավաքագրվել է Ուկրաինայի կողմից 2025 թվականի օգոստոսին Տերնոպոլում, «կրակային պատրաստություն անցել Կիևում, ինչպես նաև պոլիգրաֆի թեստ, Zoom տեսակոնֆերանսի ծառայության միջոցով հաղորդակցվելու հրահանգներ ստացել և 2025 թվականի օգոստոսին տեղափոխվել Ռուսաստան Կիև-Քիշնև-Թբիլիսի-Մոսկվա երթուղով»։
ԱԴԾ-ն նաև պնդում է, որ «Կորբայի որդին՝ Լեհաստանի քաղաքացի Լյուբոշ Կորբան, որը բնակվում է Լեհաստանի Կատովիցե քաղաքում, մասնակցել է նրա հավաքագրմանը՝ լեհական հատուկ ծառայությունների օգնությամբ»։ Ապացույցներ, սակայն, չեն ներկայացվում։
Նշվում է, որ Կորբա ավագը հետևել էգեներալին, ապա «Մոսկվայի մարզում գտնվող թաքստոցից գտել խլացուցիչով և փամփուշտներով ՊՄ ատրճանակ, որն այնտեղ տեղադրվել է ուկրաինական հետախուզական ծառայությունների կողմից, ինչպես նաև Ալեքսեևի բնակության վայրի շենքի մուտքի դռան էլեկտրոնային բանալին, որը գաղտնի կերպով հանձնել է Զինաիդա Սերեբրիցկայան, որը բնակարան է վարձակալել այն շենքում, որտեղ տեղի է ունենում հարձակումը»։ Ռուսական լրատվամիջոցները նախկինում հաղորդել էին, որ Սերեբրիցկայան բնակարան է վարձակալել Ալեքսեևի հետ նույն շենքում և տեղեկություններ հավաքել նրա մասին։
Հայտարարության համաձայն՝ Կորբան աստիճանավանդակի հարթակում չորս կրակոց է արձակել, որից հետո դեն է նետել ատրճանակն ու պայուսակը, փոխել վերարկուն և մեկնել ԱՄԷ, որտեղ ձերբակալվել է։
ԱԴԾ-ն նաև հայտարարել է պարգևատրման մասին․ «Ալեքսեևի դեմ հաջողված մահափորձի դեպքում» Ուկրաինան, իբր, խոստացել է Կորբային վճարել 30,000 դոլար։
Հատուկ ծառայության տվյալներով՝ Կորբայի հանցակից Վասինը նրա համար բնակարան է վարձակալել, ինչպես նաև ապահովել է նրան ճանապարհորդության համար տոմսերով։ ԱԴԾ-ն Վասինին բնութագրել է որպես «Կոռուպցիայի դեմ պայքարի հիմնադրամի» կողմնակից, որը համարվում է ահաբեկչական կազմակերպություն և արգելված է Ռուսաստանում, և բողոքի ցույցերի մասնակից։
Ալեքսեևի դեմ մահափորձը տեղի է ունեցել ուրբաթ Մոսկվայում: Շաբաթ ՏԱՍՍ-ի աղբյուրը հայտնել էր, որ գեներալը գիտակցության է եկել, և որ «նրա կյանքին սպառնացող վտանգն անցել է»:
Թարգմանությունը՝ Էմմա Չոբանյանի
