18.05.2026 | 16:03
Ապօրինի ձերբակալությունը, որին հաջորդել է ինքնասպանություն, հանցագործություն է
Կարծում եք՝ Նիկոլ Փաշինյանը կամ ՔՊ-ն ինձ առաջարկ չէին անի, իսկ եթե գրպանային լինեի՝ ինչիս էր պետք դաշինքով գնալ ընտրությունների. Արամ Սարգսյան
Տնտեսություն
10.11.2018 | 13:55
«Մենք» դաշինքը հավակնում է լինել իշխանությունների գլխավոր այն ընդդիմախոսը, որը բովանդակային առումով նոր թարմություն է բերելու և օժանդակելու է անհրաժեշտ փոփոխություններին:
Այս մասին այսօր հրավիրված մամուլի ասուլիսի ժամանակ ասաց «Մենք» դաշինքի կազմի մեջ մտած «Ազատ Դեմոկրատներ» կուսակցության նախագահ Խաչատուր Քոքոբելյանը՝ շեշտելով, որ չեն լինելու գրպանային ընդդիմություն:
Հարցին՝ որ ուժին են համարում այդպիսի ընդդիմություն, Խաչատուր Քոքոբելյանը պատասխանեց.
«Այն բոլոր քաղաքական ուժերին, որոնք ժողովրդին մեկ այլ բան ասելով հայտնվել են խորհրդարանում, որտեղ արել են մեկ այլ բան»:
Գրպանային ընդդիմության վերաբերյալ հարցին պատասխանելով էլ դաշինքի կազմի մեջ մտած «Հանրապետություն» կուսակցության նախագահ Արամ Սարգսյանն էլ նկատեց.
«Հավատացնում եմ՝ այն մարդիկ, ովքեր ինձ ճանաչում են, գիտեն, որ ես մշտապես ասել եմ այն, ինչ մտածում եմ. այդ մասին գիտի նաև Նիկոլ Փաշինյանը: Շատ շնորհակալ եմ «Ելք» դաշինքի իմ գործընկերներին. այս առումով՝ այո՛ իրար տուն գնալ գալ էլ կա, բայց դա չի խանգարել և չի խանգարելու, որ ես իմ առանձնահատուկ տեսակետն ասեմ, որը նաև տարբերվող է: Եթե ես գրպանային լինեի, ինչիս էր պետք, որ դաշինք կազմեի. կարծում եք Նիկոլ Փաշինյանը կամ ՔՊ-ն ինձ առաջարկ չէին անի, որ ես իրենց ցուցակով գնայի: Եթե այդպես եք կարծում՝ ապա դա այդպես չէ»:
՛
