27.03.2026 | 17:05
ՄԱԿ-ը պահանջում է ավարտել ԱՄՆ-ի կողմից Իրանի դպրոցի ենթադրյալ հրթիռակոծության հետաքննությունը
Արայիկ Հարությունյանը սխալվում է․ գործազուրկների թիվը մի քանի անգամ ավելի է
Հասարակություն
03.02.2026 | 14:00
Վարչապետի աշխատակազմի ղեկավար Արայիկ Հարությունյանը գրաֆիկ է հրապարակել, որում, ըստ նրա, ներկայացված է Հայաստանում աշխատանք փնտրողների և գործազուրկների թիվը 2021-2025 թվականներին։ Այդ թվերը, սակայն, մի քանի անգամ ցածր են Վիճակագրական կոմիտեի շտեմարանում ներկայացված թվերից։
Վիճակագրական կոմիտեի տվյալներով Հայաստանում գործազուրկների թիվը նախորդ տարիներին հետևյալն է եղել․
- 2021՝ 199 հազար,
- 2022` 176.6 հազար,
- 2023` 166.7 հազար,
- 2024` 181.2 հազար,
- 2025 թվականի տվյալները դեռ հրապարակված չեն։
Անհամապատասխանության պատճառն այն է, որ Արայիկ Հարությունյանի գրաֆիկում ներկայացված են միայն այն գործազուրկները, որոնք պաշտոնապես գրանցվել են Աշխատանքի և սոցիալական հարցերի նախարարությունում։
Նրանց թիվը հրապարակվում է ամեն ամիս, և Հարությունյանի հրապարակած թվերը համընկնում են ամեն տարվա դեկտեմբերի ցուցանիշի հետ։ Այն է․
- 2021 դեկտեմբեր՝ 58 հազար 153,
- 2022 դեկտեմբեր՝ 48 հազար 561,
- 2023 դեկտեմբեր՝ 46 հազար 19 ,
- 2024 դեկտեմբեր՝ 37 հազար 572,
- 2025 դեկտեմբերի տվյալները դեռ հրապարակված չեն, իսկ նոյեմբերի ցուցանիշը եղել է 35 հազար 902։
Այսպիսով՝ Հարությունյանի հրապարակած տվյալը ոչ թե գործազուրկների, այլ պաշտոնապես Աշխատանքի և սոցիալական հարցերի նախարարությունում գրանցված գործազուրկների թիվն է, որն էլ մի քանի անգամ ցածր է գործազուրկների իրական թվից։
Գարիկ Հարությունյան
