03.04.2026 | 00:12
Վարդան Ղուկասյանի որդու խափանման միջոցը փոխվել է. նա տնային կալանքի տակ է
Սիրիան և քրդերի գլխավորած SDF-ը մի քանի շաբաթ տևած բախումներից հետո ինտերգրման գործարքի են հասել
Քաղաքականություն
30.01.2026 | 19:20
Սիրիայի կառավարությունը և քրդական ուժերն այսօր համապարփակ համաձայնության են եկել, որը ներառում է քրդական ուժերի և վարչակազմի աստիճանական ինտեգրումը կենտրոնական պետության մեջ՝ երկու կողմերի միջև շաբաթներ տևած բախումներից հետո, որոնք հանգեցրին հրադադարի, գրում է France 24-ը։
Քրդերի գլխավորած «Սիրիական դեմոկրատական ուժեր» (SDF) շարժման և սիրիական պետական հեռուստատեսության կողմից ներկայացված համաձայնագիրը կնքվել է այն բանից հետո, երբ քրդերը շաբաթներ տևած մարտերի ընթացքում կորցրեցին տարածքների մեծ մասի վերահսկողությունը կառավարական ուժերի կողմից։
Այժմ նրանք սահմանափակված են քրդական մեծամասնությամբ բնակեցված տարածքներով՝ մի ժամանակ իշխանություն ունենալով Սիրիայի հյուսիսային և հյուսիսարևելյան մասի մեծ մասի վրա։
Համաձայնագիրը նախատեսում է, որ կառավարական ուժերը կմտնեն հյուսիս-արևելքում գտնվող քրդերի կողմից վերահսկվող Հասաքե և Ղամիշլի քաղաքներ, մինչդեռ Սիրիայի դեմոկրատական ուժերից կստեղծվեն երեք սիրիական բանակային բրիգադներ։
Դամասկոսը և SDF-ը կիրակի 15 օրով երկարաձգել էին իրենց հրադադարը՝ միաժամանակ շարունակելով ինտեգրման շուրջ բանակցությունները։
Սիրիայի նոր իսլամիստական իշխանությունները, որոնք իշխանությունը ստանձնել են 2024 թվականի դեկտեմբերին երկարամյա ղեկավար Բաշար ալ-Ասադի տապալումից հետո, ձգտում են տարածել պետական վերահսկողությունն ամբողջ Սիրիայում։ Սիրիայի անվտանգության ուժերը «տեղակայվելու են հյուսիս-արևելքում գտնվող Հասաքե և Ղամիշլի քաղաքներում», որոնք ներկայումս վերահսկվում են քրդական ուժերի կողմից, մինչդեռ առանձին բրիգադ կստեղծվի հյուսիսում գտնվող քրդաբնակ Քոբանի քաղաքի համար։
Սա հարված է հասցնում քրդական փոքրամասնության ինքնակառավարման հույսերին, այն բանից հետո, երբ այն փաստացի ինքնավար վարչակազմ էր հաստատել Սիրիայի 13-ամյա քաղաքացիական պատերազմի ընթացքում իր վերահսկողության տակ գտնվող տարածքներում։
Թարգմանությունը՝ Էմմա Չոբանյանի
