29.01.2026 | 19:49
Թրամփի վարչակազմը գաղտնի հանդիպումներ է ունեցել Կանադայի անջատողականների առաջնորդների հետ․ FT
Իրանի բանակի ղեկավարը «ջախջախիչ պատասխան» է խոստանում՝ ԱՄՆ-ի հետ լարվածության սրման ֆոնին
Քաղաքականություն
29.01.2026 | 17:19
Իրանի բանակի հրամանատարը խոստացել է «ջախջախիչ պատասխան» ցանկացած հարձակման՝ այն բանից հետո, երբ Միացյալ Նահանգները հարվածային ուժեր է տեղափոխել տարածաշրջանային ջրեր, գրում է France 24-ը։
«Մեր առջև ծառացած սպառնալիքներին համապատասխան՝ արագ մարտական գործողությունների համար ռազմավարական առավելությունների պահպանումն ու ամրապնդումը և ցանկացած ներխուժման ջախջախիչ պատասխանը միշտ բանակի օրակարգում են»,- ասել է Իրանի բանակի հրամանատար Ամիր Հաթամին։
Իրանի բանակի տարբեր ստորաբաժանումները ստացել են 1000 անօդաչու թռչող սարքերի խմբաքանակ, հաղորդել է Tasnim լրատվական գործակալությունը։
Բացի այդ, ԱՄՆ նախագահ Դոնալդ Թրամփի վարչակազմն այս շաբաթ հյուրընկալում է Իսրայելի և Սաուդյան Արաբիայի պաշտպանության և հետախուզության բարձրաստիճան պաշտոնյաների՝ Իրանի վերաբերյալ բանակցությունների համար, քանի որ ԱՄՆ նախագահ Դոնալդ Թրամփը քննարկում է ռազմական հարվածների հարցը։ Այս մասին էլ հաղորդում է Axios-ը՝ հղում անելով հարցին ծանոթ աղբյուրներին։
Թարգմանությունը՝ Էմմա Չոբանյանի
