Պորտուգալիայում «Քրիստին» փոթորկի հետևանքով առնվազն հինգ մարդ է զոհվել․ ՏԵՍԱՆՅՈՒԹ

Լուրեր

21.11.2026 | 16:37
Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն
21.11.2026 | 15:35
Վաղը պաշտոնապես կազդարարենք ԹՐԻՓՓ նախագծի մեկնարկը․ Նիկոլ Փաշինյան
21.11.2026 | 15:08
Նոյեմբերի 22-ին և 25-ին Հայաստանում սպասվում են ինտենսիվ տեղումներ և ուժեղ քամի
21.11.2026 | 14:52
ՀՖՖ նախագահի պաշտոնում առաջադրվել է երկու թեկնածու
21.11.2026 | 14:07
Զելենսկի․ Ղրիմի կամուրջը չի պահպանվի, Պուտինը պետք է դա հասկանա, իսկ Ռուսաստանը պետք է զգա, թե ինչ է պատերազմը
21.11.2026 | 13:33
ՀՀ-ԵՄ վիզաների ազատականացման գործընթացն ու սահմանների կառավարման բարեփոխումները քննարկվել են ICMPD-ի փոխտնօրենի հետ
21.11.2026 | 13:06
Բուխարեստի ֆորումում քննարկվել են TRIPP-ն ու Հայաստանի առևտրի դիվերսիֆիկացման հնարավորությունները
21.11.2026 | 12:34
Աբովյանի համայնքային սեփականությանն է վերադարձվել 33 քմ հողատարածք
21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
Բոլորը

«Քրիստին» փոթորկի հետևանքով Պորտուգալիայի կենտրոնական և հյուսիսային հատվածներում տեղի ունեցած ավերածությունների հետևանքով առնվազն 5 մարդ է մահացել՝ առաջացնելով ջրհեղեղներ, սողանքներ և զգալի ավերածություններ, գրում է BBC-ին։

Կառավարությունը փոթորիկը որակել է որպես «ծայրահեղ կլիմայական իրադարձություն»։ Պորտուգալիայում դպրոցներ են փակվել, շենքեր են վնասվել, լրջորեն խաթարվել է տրանսպորտային հաղորդակցությունը։

Վերջին օրերին Պորտուգալիային մի շարք փոթորիկ է հարվածել, մեկ տղամարդ մահացել է, երբ նրա մեքենան քշվել է ջրհեղեղի կողմից։ Քաղաքացիական պաշտպանության ծառայությունների տվյալներով՝ հորդառատ անձրևն ու մինչև 150 կմ արագությամբ քամին ամբողջ երկրում ավելի քան 3000 եղանակային միջադեպերի պատճառ են դարձել։ Մի քանի մարդ տուժել է ընկնող ծառերից կամ բեկորներից։

Էլեկտրաէներգիայի մատակարար E-Redes-ի տվյալներով՝ չորեքշաբթի ավելի քան 850,000 մարդ զրկվել է էլեկտրաէներգիայից։

Քաղաքացիական պաշտպանության գործակալությունը (ANEPC) հայտնել է, որ Լեյրիայի կենտրոնական շրջանում՝ ամենաշատ տուժած տարածքներից մեկում, 3 մարդ է մահացել։ Տեղական լրատվամիջոցները հայտնել են, որ Վիլա Ֆրանկա դե Շիրայում մի տղամարդ մահացել է, երբ ծառը հարվածել է իր մեքենային։ Մարինյա Գրանդե շրջանում նույնպես մահվան դեպք է գրանցվել։

Պորտուգալիայի ծովի և մթնոլորտի ինստիտուտի (IPMA) տվյալներով՝ չորեքշաբթի տասը ափամերձ տարածքներում հայտարարվել է կարմիր մակարդակի եղանակային նախազգուշացում՝ վտանգավոր ծովային պայմանների պատճառով, կանխատեսվում է, որ ալիքների բարձրությունը կհասնի մինչև 14 մետրի։

Պորտուգալիայի վարչապետ Լուիս Մոնտենեգրոն ցավակցություն է  հայտնել զոհերի ընտանիքներին։ Նա ասել է, որ իշխանությունները գնահատում են վնասը և կձեռնարկեն «անհրաժեշտ բոլոր միջոցները»։

Պորտուգալիան հատելուց հետո «Քրիստին» փոթորիկը շարժվել է դեպի արևելք՝ Իսպանիա։ Այստեղ դպրոցներ ու ճանապարհներ են փակվել, հարյուր հազարավոր մարդիկ մնացել առանց էլեկտրաէներգիայի։ Անդալուսիայում արտակարգ իրավիճակների ծառայությունները հայտնել են եղանակային պայմանների հետ կապված շուրջ 2000 միջադեպի մասին։

Իսպանիայի ազգային օդերևութաբանական գործակալությունը՝ AEMET-ը, նախազգուշացրել է որոշ շրջաններում շատ ուժեղ քամիների մասին, որոնց պոռթկումները կարող են հասնել փոթորկի ուժգնության։ Քամու ուժգնության պատճառով Ալմերիայի հարավ-արևելքում գտնվող որոշ հատվածներում հայտարարվել է տագնապի «կարմիր» ազդանշան։

Թարգմանությունը՝ Էմմա Չոբանյանի