28.01.2026 | 23:30
Շքեղ մեքենաները պատժամիջոցների շրջանցմամբ շարունակում են ներմուծվել ՌԴ, այդ թվում՝ Հայաստանի ընկերությունների միջոցով
Կա մաֆիոզ համաձայնություն ընդդիմության և իշխանության միջև՝ նույն խաղը խաղալով մասնատում են հասարակությանը․ Հովսեփ Ղազարյան․ ՏԵՍԱՆՅՈՒԹ
Քաղաքականություն
28.01.2026 | 21:00
«Դեմ եմ բոլորին» շարժման անդամ, 44-օրյա պատերազմի մասնակից Հովսեփ Ղազարյանը Factor TV-ի հետ զրույցում խոսել է իր բնորոշմամբ «նախկին-ներկա» քաղաքական համակարգին ընդդիմանալու պատճառների, խորհրդարանական ընտրություններում իրենց շարժման քաղաքական ծրագրերի, ընտրական շեմը 1 տոկոս իջեցնելու, կայուն մեծամասնության դրույթը չեղարկելու և 100 օրում արտահերթ ընտրություններ անցկացնելու իրենց առաջարկի մասին։ Նա նշում է, որ իրենք խնդրում են «հների և ներկաների» գզվռտոցից հոգնած մարդկանց քվեն․ ուզում են վերջ տալ այդ պրոցեսի։
«Ուզում ենք զրոյացնել քաղաքական դաշտը․ սա ՀՀ-ի դեմոկրատացման ծրագիր է։ Վերացնելու ենք կայուն մեծամասնության դրույթը, որը «Սերժի կոստյումի» վատ կոմպոնենտներից է, երբ 30% քվեով կարող են իշխանություն վերցնել։ Կա մաֆիոզ համաձայնություն ընդդիմության և իշխանության միջև, որի միջոցով նույն խաղը խաղալով մասնատում են հասարակությանը, ծառայեցնում իշխանությունը իրենց նպատակներին։ Բախվելով «Սերժի կոստյումին»՝ հասկացանք, որ «նախկին-ներկա» համակարգի դեմ պայքարելու համար պետք է խփել դրա ձևավորման մեխանիզմին»,- ասաց Հովսեփ Ղազարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
