28.01.2026 | 21:12
Լավ լուր․ վաղվանից սկսած կունենանք սառը օդի «լճացման» թուլացում. Լևոն Ազիզյան
Բայրամովը Չինաստանի ԱԳ նախարարի հետ տարածաշրջանային և միջազգային հարցեր է քննարկել
Քաղաքականություն
28.01.2026 | 18:50
Ադրբեջանի արտաքին գործերի նախարար Ջեյհուն Բայրամովը Պեկինում Չինաստանի արտաքին գործերի նախարար Վան Իի հետ հանդիպմանը քննարկել է երկու երկրների միջև համապարփակ ռազմավարական գործընկերության ներկա վիճակը և ապագա հեռանկարները։ Ադրբեջանի ԱԳՆ-ի հաղորդմամբ՝ կողմերն ընդգծել են բարձր մակարդակի քաղաքական երկխոսության և արտաքին գործերի նախարարությունների միջև կանոնավոր շփումների կարևորությունը։
Հանդիպման ընթացքում քննարկված թեմաների թվում են եղել առևտրատնտեսական հարաբերությունների ընդլայնումը, ներդրումային հնարավորությունները, կապի և տրանսպորտային միջանցքները, էներգետիկ համագործակցությունը, ինչպես նաև նորարարության և թվային զարգացման ոլորտներում համագործակցությունը։
Կողմերը նաև մտքեր են փոխանակել տարածաշրջանային և միջազգային հարցերի շուրջ, անդրադարձել են բազմակողմ համաձայնագրերի շրջանակում համագործակցության կարևորությանը։
Նախարարները վստահություն են հայտնել, որ այս այցը կնպաստի երկկողմ հարաբերությունների ամրապնդմանը և բազմաթիվ ոլորտներում գործնական համագործակցության ընդլայնմանը։
Թարգմանությունը՝ Էմմա Չոբանյանի
