11.08.2026 | 15:29
Թրամփ. «ՖԻՖԱ-ն սարսափելի սխալ կգործի, եթե փոխարինի Ինֆանտինոյին»
Չկայացած ուժերի ղեկավարների անձնական ամբիցիաները խանգարում են ընդհանուր գործին. քաղտեխնոլոգ. ՏԵՍԱՆՅՈՒԹ
Քաղաքականություն
09.11.2018 | 15:10
Քաղաքական չկայացած ուժերի ղեկավարների անձնական ամբիցիաներն այս ընտրություններում խանգարում են ընդհանուր գործին: Այսօր՝ նոյեմբերի 9-ին, լրագրողների հետ հանդիպմանը նման կարծիք հայտնեց քաղտեխնոլոգ Արմեն Բադալյանը:
Խոսելով, մասնավորապես, «Լույս» դաշինքի պառակտման մասին՝ Արմեն Բադալյանը կարծիք հայտնեց, որ տրամաբանական կլիներ, եթե դաշինքի մյուս ուժի ներկայացուցիչներն ընտրությունների գնային «Լուսավոր Հայաստան» կուսակցության ցուցակով:
«Առաջին անգամ չէ, երբ դաշինքներ են պառակտվում: «Լույս»-ը ներկայանում էր որպես արևմտամետ դաշինք: Հասկանալի է, որ «Լույս» դաշինքի համար միգուցե պրոբլեմ է 7 տոկոսը հաղթահարելը: Եվ քանի որ «Լուսավոր Հայաստան»-ը, լինելով համեմատաբար ավելի մրցունակ, քան «Հանրապետություն» կուսակցությունը, տրամաբանական կլիներ, որ «Հանրապետության» ներկայացուցիչները, ինչպես նաև արևմտյան կողմնորոշման այլ ուժերի ներկայացուցիչներ ընդգրկվեին, ինչն օրենքով արգելված չէ, «Լուսավոր Հայաստան» կուսակցության ցուցակում և մասնակցեին ընտրություներին: Դա 5 տոկոսը հաղթահարելու հնարավորություն կտար: Բայց խնդիրն այն է, որ ամբիցիաները թույլ չեն տալիս»,- նշեց Արմեն Բադալյանը:
Սրանով, ըստ քաղտեխնոլոգի, ցույց տվեցին, որ իրենց անձնական ամբիցիաներն ավելի կարևոր են, քան ընդհանուր գործը՝ արևմտամետ ընտրազանգվածի շահերի ներկայացումն ապագա Ազգային ժողովում:
Մանրամասները՝ տեսանյութում
