26.01.2026 | 16:30
Ոսկու գինը պատմության մեջ առաջին անգամ գերազանցել է մեկ ունցիայի համար 5000 դոլարը
2025-ի իրադարձությունների լուսաբանումը արտացոլում էր՝ ով ում է սպասարկում լրատվական դաշտում․ Մելիքյան․ ՏԵՍԱՆՅՈՒԹ
Քաղաքականություն
26.01.2026 | 14:08
2025 թվականի իրադարձությունների լուսաբանումն արտացոլում էր՝ ով ում է սպասարկում լրատվական դաշտում։ Այս մասին այսօր հրավիրված մամուլի ասուլիսի ժամանակ ասաց Խոսքի ազատության պաշտպանության կոմիտեի նախագահ Աշոտ Մելիքյան։
Մելիքյանն ընդգծում է՝ երբ երկրում հասարակական-քաղաքական մթնոլորտը սրվում է, ավելանում են լրագրողների և լրատվամիջոցների ներկայացուցիչների նկատմամբ հարձակումներն ու տարատեսակ ճնշումները:
«Եվ բոլորս հիշում ենք 2025 թվականի այդ սրացումները՝ կապված իշխանություն-ընդդիմություն, իշխանություն-եկեղեցու վերնախավ առճակատմանը, դրա հետ կապված մի շարք իրադարձություններ, կալանավորումներ և այլն: Եվ պետք է ասել, որ այդ իրադարձությունները մեր մեդիամիջավայրում լուսաբանվում էին ծայրահեղ դիրքերից, այսինքն՝ համաձայն նրա, թե ինչ քաղաքական դիրքորոշում ունի տվյալ լրատվամիջոցը, տվյալ խմբագրությունը»,- ասաց Մելիքյանը։
Նրա խոսքով՝ այդ լուսաբանումների ընթացքում ևս մեկ անգամ արտահայտվեց հայաստանյան լրատվական դաշտի ծայրահեղ բևեռացվածությունը։ Մի բան, որը, ըստ Մելիքյանի, ընդգծվում է միջազգային կառույցների բոլոր զեկույցներում որպես բացասական երևույթ:
Մանրամասները՝ տեսանյութում։
