26.01.2026 | 14:36
Այն նվիրված է Զանգեզուրին. Կոբախիձեն՝ Հայաստան ու Ադրբեջան ԱՄՆ փոխնախագահի այցի մասին
Ռուբեն Նազարեթյան․ Այսքանով կանգ չենք առնելու․ ՏԵՍԱՆՅՈՒԹ
26.01.2026 | 12:13
Ֆուտզալի Հայաստանի ազգային հավաքականի գլխավոր մարզիչ Ռուբեն Նազարեթյանը մեկնաբանել է Եվրոպայի առաջնության B խմբի երկրորդ տուրում Չեխիայի հավաքականի նկատմամբ 5։4 հաշվով հաղթանակն ու ժամկետից շուտ փլեյ-օֆֆի ուղեգիր նվաճելը։
«Իրոք, պատմական նվաճման հասանք։ Ոչ միայն մասնակցեցինք Եվրոպայի առաջնությանը, այլև խմբից դուրս եկանք, այն էլ՝ առաջին տեղով։ Դա մեծ նվաճում է մեզ համար, բայց մենք այսքանով կանգ չենք առնելու։ Մենք էլի աշխատելու ենք, որովհետև խոստացել ենք, որ բարձր ենք պահելու մեր երկրի պատիվը և փորձելու ենք ինչքան հնարավոր է առաջ գնալ։
Երկու կորուստ ունենք Լիտվայի դեմ խաղից առաջ՝ Պետրոսյան Արսենը և Նիկիտա Խրոմիխը։ Կփորձենք ավելի շատ ժամանակ տալ այն տղաներին, ովքեր քիչ խաղաժամանակ են ստացել։ Մենք երբեք դուրս չենք գալիս պարտվելու համար, մենք դուրս ենք գալու Լիտվային հաղթելու»,- ասել է մարզիչը։
Հիշեցնենք, որ խմբային փուլի վերջին տուրից առաջ Հայաստանի հավաքականն ունի 6 միավոր, Ուկրաինան՝ 3, իսկ Չեխիան ու Լատվիան՝ 1-ական։ Քառորդ եզրափակիչում հայ ֆուտզալիստները մրցելու է A խմբում երկրորդ տեղը զբաղեցրած հավաքականի հետ: A խմբի երկրորդ տուրից հետո Ֆրանսիան ունի 4 միավոր, Լատվիան՝ 3, Խորվաթիան՝ 2, Վրաստանը՝ 1։
Լատվիայում, Լիտվայում և Սլովենիայում անցկացվող Եվրո-2026-ի խմբային փուլը Ռուբեն Նազարեթյանի գլխավորած թիմը կավարտի hունվարի 28-ին՝ մրցելով Լիտվայի հավաքականի հետ Կաունասի «Ժալգիրիս Արենայում»։
