Վարչապետ Նիկոլ Փաշինյանը Թալինի Սուրբ Աստվածածին եկեղեցում մասնակցում է կիրակնօրյա պատարագի։
Եկեղեցու քահանա Տեր Հայկը News.am-ի հետ զրույցում ասաց, որ կարգալույծ քահանան է մատուցելու պատարագը։ Հայտնեց, որ նա պատարագ կմատուցի Մաստարայի եկեղեցում, որտեղ կհնչի Ամենայն Հայոց Գարեգին Բ կաթողիկոսի անունը։
Հավելենք, որ դեկտեմբերի 2-ին ՀԱԵ-ի կողմից կարգալույծ էր հռչակվել Թալինի Սուրբ Աստվածածին եկեղեցու Տեր Թադե քահանա Թախմազյանը (աշխարհիկ անունը Արամայիս Թախմազյան)։
Հիշեցնենք, որ Ամենայն Հայոց Գարեգին Բ կաթողիկոսին Վեհարանից հեռացնելու արշավի շրջանակում Փաշինյանը գրեթե ամեն կիրակի մասնակցում է պատարագի և տեղեկացնում, թե այդ շաբաթ, որ եկեղեցում է լինելու։ Ավելի ուշ նա հայտնել է, որ նախապես չի ասի՝ որտեղ է մասնակցելու պատարագի։
