22.01.2026 | 14:46
«Մանչեսթեր Սիթիի» ֆուտբոլիստները երկրպագուներին կվերադարձնեն «Բուդյո-Գլիմտի» դեմ խաղի տոմսերի գումարները
ԵՄ-ն պատրաստ է աջակցել Նախիջևանում երկաթուղային գծի վերականգնման նախագծերին
Քաղաքականություն
22.01.2026 | 11:33
Ադրբեջանի նախագահ Իլհամ Ալիևն ու ԵՄ ընդլայնման հարցերով հանձնակատար Մարթա Կոսը Դավոսում հանդիպմանը գոհունակությամբ նշել են եվրոպացի պաշտոնյայի՝ անցյալ տարի Ադրբեջան կատարած այցը, այդ թվում՝ Արցախ։ Կոսը նշել է, որ խորապես տպավորված է Ղարաբաղի տարածքներում իրականացվող շինարարական և վերականգնողական աշխատանքներով, գրում են ադրբեջանական լրատվամիջոցները։
Հաղորդվում է, որ հանդիպման ընթացքում մտքերի փոխանակում է տեղի ունեցել Ադրբեջանի և Հայաստանի միջև հարաբերությունների կարգավորման և խաղաղության օրակարգի առաջխաղացման վերաբերյալ: Քննարկվել են նաև էներգետիկայի, տարածաշրջանային տրանսպորտային հաղորդակցությունների, մարդասիրական ականազերծման և այլ ոլորտներում համագործակցությունը, ինչպես նաև Ադրբեջանի ներդրումը եվրոպական էներգետիկ անվտանգության մեջ։
Մարթա Կոսը նշել է, որ Եվրամիությունը պատրաստ է աջակցել Ադրբեջանի գործունեությանը մարդասիրական ականազերծման ոլորտում, ինչպես նաև Նախիջևանում երկաթուղային գծի վերականգնման նախագծերին։
Զրույցի ընթացքում ընդգծվել են Ադրբեջանի ու Եվրամիության միջև բազմաթիվ ոլորտներում համագործակցության հետագա ընդլայնման հեռանկարները։
Թարգմանությունը՝ Էմմա Չոբանյանի
