21.01.2026 | 23:30
Ինչ իրավիճակ է Հայաստանի ճանապարհներին և Լարսում
Ալիևի որդին SOCAR-ում պաշտոն է ստացել
Քաղաքականություն
21.01.2026 | 22:59
Ադրբեջանի նախագահ Իլհամ Ալիևը Դավոսում հանդիպել է Vestas Wind Systems ընկերության մարքեթինգի, հաղորդակցության, կայուն զարգացման և հասարակայնության հետ կապերի ավագ փոխնախագահ Մորտեն Դիրհոլմի հետ։ Ադրբեջանական Meydan TV-ին նշում է, որ հանդիպմանը մասնակցել են էկոնոմիկայի նախարար Միքայիլ Ջաբբարովը և Ադրբեջանի նախագահի որդին՝ Հեյդար Ալիևը։
Սոցիալական ցանցերում շրջանառվող լուսանկարներում Հեյդար Ալիևը ներկայացված է որպես SOCAR-ի ներկայացուցիչ։ Ալիև կրտսերի պաշտոնը ընկերությունը չի նշում։
Սա քննարկումների առիթ է դարձել: Մի շարք վերլուծաբաններ ենթադրություններ են անում Իլհամ Ալիևի հնարավոր իրավահաջորդի մասին՝ նշելով վերջին ժամանակներում Հեյդար Ալիև կրտսերի ներկայության աճը պաշտոնական միջոցառումներին և հանդիպումներին: Ինքը՝ Իլհամ Ալիևը, 1994-ից 2003 թվականներին եղել է SOCAR-ի առաջին փոխնախագահը։
Պաշտոնական մարմինները որևէ հայտարարություն չեն արել այս հարցի վերաբերյալ։
Հեյդար Ալիևը Դավոսում հոր՝ Իլհամ Ալիևի հետ մի շարք այլ հանդիպումների է մասնակցել՝ չնայած կառավարությունում պաշտոնապես պաշտոն չունի։
Թարգմանությունը՝ Էմմա Չոբանյանի
