21.01.2026 | 19:14
«Ես կարգավորել եմ Հայաստանի և «Աբեր-բեջանի» միջև պատերազմը». Թրամփ. ՏԵՍԱՆՅՈՒԹ
Ուիթկոֆը հայտնել է, որ ծրագրում է հունվարի 22-ին հանդիպել Պուտինի հետ
Քաղաքականություն
21.01.2026 | 15:58
ԱՄՆ նախագահի հատուկ բանագնաց Սթիվ Ուիթկոֆը հայտարարել է, որ նախատեսում է հանդիպել ՌԴ նախագահ Վլադիմիր Պուտինի հետ հունվարի 22-ին, գրում է Meduza-ն։
«Մենք պետք է հանդիպենք Պուտինի հետ հինգշաբթի»,- ասել է Ուիթկոֆը CNBC-ին տված հարցազրույցում։
Նա նշել է, որ Մոսկվա կմեկնի ԱՄՆ նախագահի փեսայի՝ Ջարեդ Քուշների հետ։ Հանդիպումը խնդրել է ռուսական կողմը, ասել է Ուիթկոֆը Bloomberg TV-ին։
Ավելի վաղ ռուսական պետական լրատվամիջոցները հաղորդել էին Ուիթկոֆի և Կրեմլի հատուկ ներկայացուցիչ Կիրիլ Դմիտրիևի՝ Դավոսում կայացած հանդիպման մասին: ՏԱՍՍ-ը հայտնել էր, որ նրանց զրույցը տևել է մոտ երկու ժամ։ ԱՄՆ-ը մեկնաբանություններ չի արել:
Կրեմլի մամուլի քարտուղար Դմիտրի Պեսկովը հաստատել է, որ Պուտինը ծրագրում է հանդիպել Ուիթկոֆի հետ հինգշաբթի։
«Այո, իսկապես, վաղվա նման շփումները նախագահի օրակարգում են»,- ասել է նա ՌԲԿ-ին։
Թարգմանությունը՝ Էմմա Չոբանյանի
